कैलाली - भारतको उत्तर प्रदेशमा पञ्चायत चुनाव हुने भएपछि गौरीफन्टा नाका सिल गरिने भएको छ।
चुनावलाई मध्यनजर गर्दै कैलाली जिल्लासँग जोडिएको गौरीफन्टा नाकामा आइतबार बेलुकीदेखि सोमबार बेलुकीसम्म आवतजावत पूर्ण रूपमा बन्द रहने भएकाे हो।
भारतको यूपीमा सोमबार दोश्राे चरणको पञ्चायत चुनाव हुँदैछ। दोस्राे चरणमा मुजफ्फरनगर, बागपत, गौतमबुद्ध नगर, बिजनौर, अमरोहा, बदायू, एटा, मैनपुरी, कन्नौज, इटावा, ललितपुर, चित्रकूट, प्रतापगढ, लखनऊ, लखीमपुर खीरी, सुल्तानपुर, गोन्डा, महाराजगञ्ज, वाराणसी र आजमगढ गरी २० जिल्लामा मतदान हुने बताइएकाे छ।
निर्वाचनलाई मध्यनजर गरेर गौरीफन्टा नाका सिल गरिएको कञ्चनपुरका प्रमुख जिल्ला अधिकारी रामकुमार महतोले बताए।
प्रकाशित: Apr 17, 2021| 08:11 शनिबार, वैशाख ४, २०७८
