सुर्खेत- प्रदेशसभामा विश्वासको मत जुटाएपछि कर्णालीका मुख्यमन्त्री महेन्द्रबहादुर शाहीले प्रदेशको विकास र समृद्धिको यात्रालाई निरन्तरता दिने बताएका छन्।
शुक्रबार प्रदेशसभामा विश्वासको मत लिएपछि सञ्चारकर्मीहरूसँग मुख्यमन्त्रीले यस्तो प्रतिक्रिया दिएका हुन्।
‘सरकार बहुमतमा छ भन्ने कुरा प्रदेशसभाले पुष्टि गरेको छ,’ उनले भने, ‘अब सरकारले विकास र समृद्धिको सपनालाई निरन्तरता दिएर अगाडि बढ्छ।’
कर्णाली प्रदेश सरकार ५ वर्षका लागि निर्वाचित भएको तर्कसमेत उनले गरे। ‘कर्णाली प्रदेश सरकार ५ वर्षका लागि निर्वाचित भएको हो,’ मुख्यमन्त्री शाहीले भने, ‘देशको राजनीति बदलिइसकेपछि एमालेको समर्थन फिर्ता लिए पनि सरकार बहुमतमै छौँ भन्ने पुष्टि भयो।’
प्रकाशित: Apr 16, 2021| 13:55 शुक्रबार, वैशाख ३, २०७८
