प्रदेश १ मा ३३ कोरोना संक्रमित थपिए

विराटनगर- प्रदेश १ मा शुक्रबार ३३ जना कोरोना संक्रमित थपिएका छन्। मोरङमा १८, झापामा ८, भोजपुरमा ३, सुनसरी र उदयपुरमा २–२ जना संक्रमित थपिएका छन्।

मोरङको विराटनगरमा १४, बुढीगंगा, रंगेली, लेटाङ र उर्लाबारीमा १-१, झापाको विर्तामोडमा ३, शिवसताक्षी र कनकाईमा २-२, दमकमा १, भोजपुरको अरुणमा २ र भोजपुर नगरपालिकामा १ जना कोरोना संक्रमित थपिएका छन्।

यस्तै सुनसरीको इटहरी र हरिनगरमा १-१, उदयपुरको उदयपुरगढी र कटारीमा १-१ जनामा संक्रमण देखिएको सामाजिक विकास मन्त्रालयले जनाएको छ।

प्रदेश १ मा कोरोना संक्रमितको संख्या ३० हजार ५६५ पुगेको छ। संक्रमित भएका मध्ये २९ हजार ८७८ संक्रमणमुक्त भएका छन्। सक्रिय संक्रमित २१५ पुगेका छन्। 

प्रदेश १ मा शुक्रबार २९४ जनाको पीसीआर परीक्षण गर्दा ११ महिला र २२ पुरुषको रिपोर्ट पोजेटिभ आएको हो। हालसम्म २ लाख ३४ हजार ४५५ जनाको पीसीआर परीक्षण गरिएको सामाजिक विकास मन्त्रालयले जनाएको छ।