काठमाडौं - सर्वोच्च अदालतका लागि न्यायाधीश प्रस्तावित भएका नहकुल सुवेदी र कुमार चुडालबारे आज सुनुवाइ हुँदैछ।
गत फागुन २८ गते प्रधानन्यायाधीश नेतृत्वको न्याय परिषद् बैठकले न्यायाधीशमा सिफारिस गरेका उनीहरूविरुद्ध संसदीय सुनवाइ समितिमा सात उजुरी परेका छन्।
चुडालविरुद्ध दुई र सुवेदीविरुद्ध पाँचवटा उजुरी परेका छन्। ४ चैतमा बसेको संसदीय सुनुवाइ समितिले प्रस्तावित न्यायाधीशद्वय चुडाल र सुवेदीविरुद्ध १० दिनभित्र उजुरी दिन आह्वान गरेको थियो।
संसदीय सुनुवाइ समितिले उजुरीकर्ताहरूसँग छलफल गरिसकेको छ।
प्रकाशित: Apr 16, 2021| 05:56 शुक्रबार, वैशाख ३, २०७८
