काठमाडौं- काठमाडौं उपत्यकामा तीव्र गतिमा हुरीबतास चलेको छ। बिहीबार राति ९:१० बजेदेखि हावाहुरी सुरु भएको हो।
तीव्र हुरीबतासबाट उपत्यकाको जनजीवन प्रभावित बनेको छ। यसबाट क्षतिको आकलन गरिएपनि विवरण प्राप्त भएको छैन।
मौसम पूर्वानुमान महाशाखाले पनि हावाहुरीको संभावनाबारे उल्लेख गरेको थिएन। वैशाख २ गते (बिहीबार) बिहान ६ बजे महाशाखाले गरेको अनुमानअनुसार बिहीबार राति पहाडी भूभागका एकदुई स्थानमा मघगर्जन र क्षणिक हल्का वर्षाको सम्भावनाबारे उल्लेख गरिएपनि हावाहुरीबारे उल्लेख थिएन।
'देशका पहाडी भू-भागमा आंशिक देखि सामान्य बदली रही बाँकी भू-भागमा मौसम सामान्यतया सफा रहने छ। देशका पहाडी भू-भागका एक दुई स्थानमा मेघगर्जन/चट्टयाङ्ग सहित क्षणिक/हल्का वर्षाको सम्भावना रहेको छ,' बिहीबार रातीका लागि गरिएको मौसम पूर्वानुमान बुलेटिनमा उल्लेख थियो।
प्रकाशित: Apr 15, 2021| 15:45 बिहीबार, वैशाख २, २०७८
