काठमाडौं – गण्डकी प्रदेशको प्रदेशसभा अधिवेशन मध्यरातमा अन्त्य गरिएको छ। मुख्यमन्त्री पृथ्वीसुब्बा गुरूङ माथि अविश्वासको प्रस्ताव ल्याउने तयारी गरिएपछि मध्यरातमा प्रदेशसभा अधिवेशन अन्त्य गरिएको हो।
गुरुङ नेतृत्वको सरकार अल्पमतमा परेपछि सम्भावित सत्ता संकट टार्न प्रदेश सरकारले अधिवेशन अन्त्यका लागि प्रदेश प्रमुख समक्ष सिफारिस गरेको थियो।
नेपाली कांग्रेस र माओवादीले साना दलसँग मिलेर नयाँ सरकार गठन गर्ने तयारी गरेका थिए। नयाँ सरकार गठनका लागि मुख्यमन्त्री गुरुङविरुद्ध बिहीबार नै अविश्वास प्रस्ताव दर्ता गर्ने तयारी गरिएको थियो।
प्रदेश सरकारको सिफारिस अनुसार प्रदेश प्रमुख अमिक शेरचनले अधिवेशन अन्त्य गर्ने निर्णय गर्दै त्यसको जानकारी सभामुखलाई दिएका छन्।
