दाङमा बस दुर्घटना हुँदा २ जनाको मृत्यु, ३० घाइते

दाङका डिएसपी गणेश चन्दका अनुसार मृत्यु हुनेमा रुपन्दैही सैनामैना-१ का २८ वर्षीय यादव खनाल र दाङको लमही-९ का २९ वर्षीय अतिराम चौधरी छन्।

नेपाल समय | शुक्रबार, चैत २०, २०७७

नेपाल समय

शुक्रबार, चैत २०, २०७७

दाङमा बस दुर्घटना हुँदा २ जनाको मृत्यु, ३० घाइते

दाङ- दाङमा बस दुर्घटना हुँदा दुई जनाको मृत्यु भएको छ। तुलसीपुरदेखि भालुवाङका लागि छुटेको लु १ ख ९८६३ नम्बरको बस घोराही-३ मा दुर्घटना हुँदा उनीहरूको मृत्यु भएको दाङका डिएसपी गणेश चन्दले जानकारी दिए।

मृत्यु हुनेमा रुपन्दैही सैनामैना-१ का २८ वर्षीय यादव खनाल र दाङको लमही-९ का २९ वर्षीय अतिराम चौधरी छन्।

दुर्घटना परी ३० जना घाइते भएको डिएसपी चन्दले जानकारी दिए। उनीहरूमध्ये २२ जनाको अवस्था समान्य छ भने ६ जना गम्भीर छन्। घाइतेहरूको लमहीमा उपचार भइरहेको छ।

दुर्घटनाको कारण भने खुलेको छैन। ओरोलो स्थानमा अनियन्त्रित भएकाले बस दुर्घटना भएको देखिएको तर प्रहरीले अनुसन्धान गरिरहेको चन्दको भनाइ छ।

प्रकाशित: Apr 02, 2021| 14:44 शुक्रबार, चैत २०, २०७७