सर्वोच्च अदालत परिसरमा दुई वकिलबीच मुक्का हानाहान

सर्वोच्च अदालतमा दुई जना अधिवक्ताबीच मुक्का हानाहान भएको छ।

नेपाल समय | सोमबार, चैत १६, २०७७

नेपाल समय

सोमबार, चैत १६, २०७७

सर्वोच्च अदालत परिसरमा दुई वकिलबीच मुक्का हानाहान

काठमाडौं– सर्वोच्च अदालतमा दुई जना अधिवक्ताबीच मुक्का हानाहान भएको छ। आज सोमबार दिउँसो अधिवक्ताद्वय किरण जोशी र प्रमोद गुप्ताबीच हानाहान भएको हो।

व्यक्तिगत लेनदेनको विषयलाई लिएर सर्वोच्च र नेपाल बार एसोसिएसनको गेटमा उनीहरुबीच हात हालाहाल भएको थियो।

आफूले पटकपटक गुप्तासँग पैसा माग्दा नदिएपछि विवाद भएको जोशीको भनाइ छ। आफूसँग ५ वर्षअघि लिएको एक लाख रुपैयाँ फिर्ता गर्न आनाकानी गरेपछि गुप्तासँग विवाद भएको जोशीले बताए।

आज अदालत परिसरमा रकम माग्न खोज्दा उल्टै विवाद गरेपछि मुक्का हानाहान भएको उनले सुनाए। विवादकै बीच हात हालाहाल भएपछि अरु वकिलले छुट्याएका थिए।

अर्का झगडिया गुप्ता भने अदालत परिसरबाट हिँडिसकेकाले उनको कुरा सुन्न पाइएन।

प्रकाशित: Mar 29, 2021| 08:16 सोमबार, चैत १६, २०७७