मेयर कपका लागि ललितपुरको टिम घोषणा

काठमाडौं - नेपाल क्रिकेट संघ (क्यान)ले ललितपुर मेयर महिला टी-२० कपको लागि मेयर-११ को टिम सार्वजनिक गरेको छ। 

चैत २१ गतेबाट सुरु हुन लागेको प्रतियोगिताका लागि क्यानले सरस्वती चौधरीको कप्तानीमा अन्तिम टिम सार्वजनिक गरेको हो।

प्रतियोगितामा सम्मिलित हुने बाँकी चार टिम भने पूर्वनिर्धारित छन्। जहाँ केही महिनाअघि देउखुरी मैदानमा सम्पन्न पीएम कपको सेमिफाइनालिस्ट टिमले सहभागिता जनाउने छन्।

सो प्रतियोगितामा प्रदेश १, लुम्बिनी, सुदूरपश्चिम र विभागीय टिम एपीएफ सेमिफाइनलमा पुगेका थिए।

अब चैत २८ गतेसम्म हुने प्रतियोगितामा यिनै पाँच टिमले त्रिविको क्रिकेट मैदानमा प्रतिस्पर्धा गर्नेछन्।

सिंगल राउन्डल रोविनमा हुने लिग चरणको खेलबाट उत्कृष्ट बनेका दुई टिमले फाइनलमा प्रतिस्पर्धा गर्नेछ।

यस्तो छ ललितपुर मेयर-११ को टिम

सरस्वती चौधरी (कप्तान), अनुराधा चौधरी, कविता गौतम, शोभा आले, विमला मगर, विन्दु कटवाल, सुमन खतिवडा, कन्चन श्रेष्ठ, आरती विडारी, अश्मिना कर्माचार्य, केनुका बस्नेत, सृष्टि पौडेल, एलिसा लामिछाने र निशा पराजुली।