स्वास्थ्य क्षेत्रमा ५६ अर्ब बजेटः गर्भवती भत्ता दोब्बर

काठमाडौं–  सरकारले स्वास्थ्य क्षेत्रको विकासका लागि ५६ अर्ब बजेट विनियोजन गरेको छ । संसद्मा आर्थिक वर्ष २०७५/७६ को बजेट प्रस्तुत गर्दै अर्थमन्त्री डा. युवराज खतिवडाले प्रत्येक वडामा स्वास्थ्य केन्द्र स्थापना गर्ने लक्ष्यका साथ ५६ अर्ब बजेट विनियोजन गरेका हुन् । 

१२ सय वडामा स्वास्थ्य केन्द्र निर्माणका लागि ४ अर्ब बजेट विनियोजन गरेको उनले बताएका छन् । प्रत्येक स्थानीय निकायका एक चिकित्सक उपलब्ध गराँउने,  अस्पतालमा जेष्ठ नागपरिक वार्ड राखिने, घुम्ति अस्पताल सञ्चालन गरिने उल्लेख गरेका छन् ।

अर्थमन्त्री खतिवडाले स्वास्थ्य विमा देशभर बिस्तार गर्ने, गर्भवतीलाई यातायात खर्च दोब्बर गर्ने पनि घोषणा गरेका छन् । उनले स्वास्थ्य क्षेत्रमा सबैको पहुँचका लागि काम गर्ने सरकारको नीति रहेको उल्लेख गरेका छन् । 

यस्तै आर्युवेदिक विश्वबिद्यालय सञ्चालनका लागि पनि अर्थमन्त्रीले १० करोड रुपैँया विनियोजन गरेका छन् ।