हिटलर पनि लोभी–कायरकै काँध चढेर आएको थियो : डा‍. भट्टराई

काठमाडौं– प्रधानमन्त्री केपी शर्मा ओलीलाई लक्षित गर्दै पूर्व प्रधानमन्त्री डा बाबुराम भट्टराईले कटाक्ष गरेका छन्।

उनले हिटलर पनि लोभी–कायरकै काँध चढेर आएको  बताएका छन्। उनले ट्वीट गर्दै लेखेका छन्, ‘खड्गप्रसादले संविधान,कानुन, लोकतन्त्रविरूद्ध खड्गप्रहार गरिरहने! अरू तमासे बनिरहे।’

समाजवादी पार्टी नेपालका संघीय परिषद् अध्यक्ष समेत रहेका डा भट्टराईले प्रतिनिधिसभा विघटन, संवैधानिक परिषद् वस्तुत विघटन र खल्तीबाट आयोगहरू पूर्ति, प्रदेशप्रमुख बर्खास्त, सचिव र कर्मचारीहरूको पजनी असंवैधानिक र अलोकतान्त्रिक कदम भएको बताएका छन्। 

उनले फाष्टट्रयाक, तल्लो अरूणमा ठूलो भ्रष्टाचार भएको संकेत गर्दै सामाजिक सञ्जालमा लेखेका छन्, ‘फाष्टट्रयाक, तल्लो अरूण झ्वाम! नभुलौँ–हिटलर लोभी–कायरकै काँध चढेर आएको थियो।’ 

खड्गप्रसादले संविधान/कानून/लोकतन्त्र विरूद्ध खड्गप्रहार गरिरहने;अरू तमासे बनिरहने?प्रतिनिधिसभा विघटन!संवैधानिक परिषद् वस्तुत विघटन र खल्तीबाट आयोगहरू पूर्ति!प्रदेशप्रमुख बर्खास्त!सचिव र कर्मचारीहरूको पजनी!फाष्टट्र्याक,तल्लो अरूण झ्वाम! नभुलैौ-हिटलर लोभी/कायरकै काॅध चढेर आएको थियो

— Baburam Bhattarai (@brb1954) February 20, 2021