पर्सामा बन्दको असर सामान्य, २२ नेता पक्राउ (फोटोफिचर)

पर्सा–पर्सामा बन्दको सामान्य असर परेको छ।  बिहान जिल्ला तहका शीर्ष नेताहरू पक्राउ परेपछि अहिले बन्दको प्रभाव सामान्य छ।

ठाउँ ठाउँमा जिल्ला प्रहरी कार्यालयले बन्दकर्ताहरूलाई पक्राउ गर्ने काम गरेकाले बन्दको असर त्यति धेरै नपरेको हो। 

पर्सामा नेकपा दाहाल–नेपाल समूहले गएराति राँके जुलुश निकालेका थिए। बन्दका क्रममा कतिपय उद्योग, पसल र कलकारखाना चल्न सकेका छैनन्।  

पर्सामा व्यापारिक तथा औद्योगिक नगरी भएकाले यहाँबाट सञ्चालन हुने वीरगन्ज भन्सार, आईसीपी र सुख्खा बन्दरगाहमा कुनै प्रकारको असर नपरेको वीरगंज कार्यालयले जनाएको छ।

यता जिल्ला प्रशासन कार्यालयले जिल्लाका हरेक कार्यालयहरू निर्वाध रुपमा सञ्चालन भएको जनाएको छ।