प्रदेश १ मा ७७ संक्रमित थपिए, ८६ डिस्चार्ज

विराटनगर- पछिल्लो २४ घण्टामा प्रदेश १ मा ७७ जना कोरोना संक्रमित थपिएका छन्। ५५७ जनाको पीसीआर परीक्षण गर्दा महिला २६ र पुरुष ५१ जनाको रिपोर्ट पोजेटिभ आएको हो। 

संक्रमित हुनेमा मोरङमा २८, झापामा २२, सुनसरीमा १४, संखुवासभामा ३, धनकुटामा २, खोटाङ, इलाम र ओखलढुङ्गामा १–१ र प्रदेश र १ बाहिरका ५ जना रहेको सामाजिक विकास मन्त्रालयले जनाएको छ। 

मोरङको विराटनगरमा १५, रतुवामाईमा ५, कानेपोखरीमा २, रंगेली, कटहरी, बेलबारी, सुन्दरहरैचा, ग्रामथान र पथरीशनिश्चरेमा १–१, झापाको मेचीनगर र विर्तामोडमा ५–५, गौरादहमा ४, अर्जुनधारा, शिवसताक्षी र दमकमा २–२, बुद्धशान्ति र भद्रपुरमा १–१, सुनसरीको इटहरीमा ७, धरानमा ६, इनरुवामा १, संखुवासभाको खाँदबारीमा २, धर्मदेवीमा १, धनकुटामा २, खोटाङको दिप्रुङ चुईचुम्मामा १, इलाममा १ र ओखलढुङ्गाको चिशंखुगढीमा १ र प्रदेश १ बाहिरका ५ जनामा संक्रमण देखिएको सामाजिक विकास मन्त्रालयले जनाएको छ।

प्रदेश १ मा कारोना संक्रमितको संख्या २८ हजार ७५४ पुगेको छ।

प्रदेश १ मा ८६ जना डिस्चार्ज भएका छन्। होम आइसोलेसनबाट ८१ र विराट मेडिकल कलेजबाट ५ जना रहेका छन्। हालसम्म डिस्चार्ज हुनेका संख्या २३ हजार ५३७ पुगेको छ।