शुक्रबार, मंसिर १६, २०७९

प्रदेश सरकारको नेतृत्व लिन तयार छौं, केन्द्रको निर्णय कुर्दैनौं (अन्तर्वार्ता)

इन्द्रबहादुर बानियाँ, नेता (बागमती प्रदेश संसदीय दल, नेपाली कांग्रेस)
नेपाल समय  |  काठमाडौं, मंगलबार, माघ ६, २०७७

नेपाल समय

नेपाल समय

मंगलबार, माघ ६, २०७७, काठमाडौं

नेपाल समय

बागमती प्रदेशको प्रदेशसभा बुधबारबाट सुरु हुँदैछ। मुख्यमन्त्री डोरमणि पौडेलविरुद्ध नेकपाको दाहाल–नेपाल समूहले पुस १० गते अविश्वासको प्रस्ताव दर्ता गरेका छन्। अविश्वासको प्रस्तावविरुद्ध ३० दिनभित्र निर्णय लिनुपर्ने व्यवस्था छ। शुक्रबारसम्म अविश्वासको प्रस्तावबारे टुंगो लाग्नुपर्ने हुन्छ। 
 

तर, प्रदेशसभा सुरु हुने बेलासम्म निर्णायक कांग्रेस भने अनिर्णित छ। प्रदेशसभाबारे कांग्रेसले कस्तो रणनीति लिन्छ ? केन्द्रदेखि प्रदेशसम्म कुनै निर्णय भएको छैन। बागमतीको ११० सदस्यीय प्रदेशसभामा नेकपाका ८० सांसद छन्। नेकपा दुई खेमामा विभाजित भएपछि दुवै पक्षसँग बहुमत (५६) सांसद पुग्दैनन्। यस्तो अवस्थामा एक पक्षलाई कांग्रेसको साथ आवश्यक रहन्छ।

प्रमुख प्रतिपक्षी कांग्रेसका २२ सांसद छन्। कांग्रेसले जसलाई समर्थन गर्छ, उसकै बहुमत पुग्छ। यस्तो अवस्थामा कांग्रेसले कसलाई समर्थन गर्ला ? चासोको विषय बनेको छ। प्रदेशसभामा कांग्रेसको भूमिका र सम्भावित रणनीतिबारे नेपाल समयले कांग्रेस बागमती प्रदेश संसदीय दलका नेता इन्द्रबहादुर बानियाँसँग गरेको संक्षिप्त कुराकानीः 

बागमती प्रदेशमा अहिले मुख्यमन्त्रीविरुद्ध अविश्वास प्रस्ताव दर्ता भइसकेको छ। भोलिदेखि प्रदेशसभा सुरु हुँदैछ। अहिले कांग्रेस के गर्दैछ, प्रदेशसभामा तपाईंहरुको रणनीति कस्तो रहला ?

अहिले हाम्रो प्रदेशका मुख्यमन्त्री डोरमणि पौडेलविरुद्ध अविश्वासको प्रस्ताव दर्ता भएको छ। त्यो पनि फरक दलले अविश्वासको प्रस्ताव राखेको होइन। सत्तारुढ दल नेकपाभित्रकै आन्तरिक किचलोको परिणाम हो यो। अविश्वासको प्रस्ताव संसदीय दलमा नभएर सिधै प्रदेशसभामा पुगेको छ। नेकपाका बहुमत सदस्य अविश्वासको प्रस्तावको पक्षमा देखिनुभएको छ। अविश्वासको प्रस्ताव दर्ता गराएर सूचना नै जारी गरेको छ।  

यस्तो अवस्थामा हाम्रो भूमिका खोजिनु स्वाभाविक हो। कांग्रेसले के गर्छ भनेर चासो राख्नु अस्वाभाविक होइन। हामीले हाम्रो भूमिका बुझेका छौं। अब प्रदेशसभा सुरु हुँदैछ। संवैधानिक व्यवस्थाअनुसार नै प्रदेशसभाको अधिवशेन डाकिएको छ।  

अधिवेशन प्रक्रियागत ढंगबाटै आह्वान गरिएको हो। कोरोना भाइरसको महामारी, बिजनेसको अभाव र विभिन्न कारण देखाएर ६ महिनायता प्रदेशसभा बस्न सकेको थिएन। संविधानमा एउटा प्रदेशसभाको अधिवेशन अन्त्य भएको ६ महिना अगावै अर्को अधिवेशन आह्वान गर्नुपर्ने प्रावधान छ। यही प्रावधानअनुसार आह्वान गरिएको प्रदेशसभामा अविश्वासको प्रस्तावमा समेत छलफल हुँदैछ। 

अब सभामुखले यसलाई कसरी अघि बढाउनुहुन्छ, त्यो हेर्न बाँकी छ। तर, मैले अहिले भन्न सक्ने यत्ति हो कि अविश्वासको प्रस्तावमाथि छलफल हुँदै जाँदा हामीले उपर्यक्त निर्णय लिनेछौं। कांग्रेस स्थिरताको पक्षपाती पार्टी हो। प्रदेशमा देखिएका समस्याको निकास दिन चाहन्छौं। नेपालको संविधान, प्रदेश सञ्चालन नियमावलीको परिधिमा रहेर हामी निर्णय गर्छौं। 

अविश्वासको प्रस्तावमा मतदान भए कांग्रेसले पक्षमा मत हाल्छ कि विपक्षमा ? केही छलफल भएको छ ?

अविश्वासको प्रस्तावमा मतदान गर्नुपर्दा कांग्रेस कुन कित्तामा उभिएला भनेर अहिले निकै ठूलो चासो छ। हामी के गर्ने भनेर छलफल गरिरहेका छौं। यद्यपि घनिभूत छलफल हुन बाँकी नै छ। भोटिङ प्रक्रियामा पुग्नुअघि हामी संसदीय दलमा व्यापक छलफल गर्छौं। व्यापक परामर्श गर्छौं र निर्णय लिन्छौं। गणतन्त्रलाई संस्थागत गर्न, स्थायित्व कायम राख्न हामी महत्वपूर्ण भूमिका निभाउँछौं। 

नेकपाभित्रका दुई धारमध्ये कसको साथमा कांग्रेस उभिन्छ भन्ने प्रश्नमा हामी निष्कर्षमा पुग्न बाँकी छ। दुवै पक्षसँग हाम्रो संवाद भइरहेको छ। संसदीय व्यवथा, विधि, पद्धतिीर संघीयता संस्थागत गर्ने सवालमा हाम्रो धारणा जोसँग मिल्छ त्यहीसँग हामी उभिन्छौं। यो विषयको टुंगो नेकपाका दुवै खेमासँगको संवाद र संसदीय दलको छलफलका आधारमा तय हुनेछ। 

कांग्रेस केन्द्रीय समितिले हालसम्म प्रदेशमा देखिएको राजनीतिक अवस्थाका बारेमा छलफल र निर्णय गरेको छैन। केन्द्रको निर्देशन नआउँदा तपाईंहरुलाई समस्या परेको हो कि जस्तो पनि देखिन्छ। केन्द्रीय समितिको बैठक पनि पटक–पटक सरिरहेको छ। के भन्नुहुन्छ ? 

केन्द्रीय समिति बैठकका आफ्नै एजेन्डा छन्। क्रियाशील सदस्यता, समसामयिक राजनीतिक घटनाक्रम, संसद् विघटनपछि उत्पन्न परिस्थिति र प्रदेश १ र बागमती प्रदेशमा मुख्यमन्त्रीविरुद्ध दर्ता भएका अविश्वासका प्रस्तावमा केन्द्रित छ।

अविश्वासका प्रस्तावका बारेमा केन्द्रीय समितिमा भन्दा पनि शीर्ष नेताहरुबीच छलफल भइरहेको छ। पदाधिकारीहरुका बीचमा यस विषयमा छलफल भइरहेको होला। तर, प्रदेशको हकमा केन्द्रले निर्णय गरिदिने होइन। हामीले केन्द्रको निर्णय कुरिरहेका छैनौं। 

उसो भए अविश्वासको प्रस्ताव र प्रदेश सरकारमा कांग्रेसको सहभागिताबारे आफैं निर्णय गर्नुहुन्छ ? केन्द्रको मुख ताक्नुहुन्न हैन त ? 

हो। प्रदेशमा के गर्ने भन्ने विषय प्रदेशसभा संसदीय दलले नै निर्णय गर्ने हो। केन्द्रले सल्लाह, सुझाव दिन सक्छ। तर केन्द्रले निर्णय गरिदिने अनि हामीले कार्यान्वयन गर्ने भन्ने होइन। त्यसैले त तीन तहको संरचना बनाइएको हो। संघीयताको अभ्यास पनि त यसरी नै हो। केन्द्रसँग परामर्श लिइन्छ। तर, निर्णय संसदीय दलले सर्वसम्मत रुपमा लिनेछ। 

बागमती प्रदेश सरकारमा अब कांग्रेसले सरकारको नेतृत्व गर्छ कि सत्ता साझेदारी मात्रै गर्छ ?

प्रतिपक्ष भनेको सधैं वेटिङ गभर्मेन्ट हो। त्यसैले सरकारको नेतृत्व गर्न हामी तयार छौं। तर, हालको सत्ता पक्ष अब कसरी अघि बढ्छ, परिस्थिति कस्तो रहन्छ भन्ने महत्वपूर्ण विषय हुन्। प्रदेश सरकारलाई व्यवस्थित बनाउने र लोकतान्त्रिक तरिकाले सञ्चालन गर्ने क्षमता हामीसँग छ। अब परिस्थिति हामी अनुकूल रहन्छ कि रहँदैन, बेग्लै कुरा हो। तर अहिलेसम्म सरकारको नेतृत्व गर्ने, सरकारमा सहभागी हुने भनेर निर्णय हुन बाँकी छ। परिस्थिति हेरेर हामी निर्णय लिनेछौं। 

केन्द्रसँगै सातवटै प्रदेश सरकारमा कांग्रेस अहिले सरकारमा छैन। यस्तो अवस्थामा प्रदेश १ र बागमती प्रदेशमा मुख्यमन्त्री विरुद्ध अविश्वासको प्रस्ताव आएपछि प्रदेश जोगाउने कि सत्ता भनेर कांग्रेसमा धर्मसंकट जस्तो अवस्था पनि देखिएको छ नि हैन र ? 

हैन। हामी यो विषयमा क्लियर नै छौं। हामी संघीयता बचाउन प्रतिवद्ध छौं। प्रदेशसभालाई जिवन्त राख्नु हाम्रो उद्देश्य हो। प्रदेशलाई जिवन्त राख्न हामी सधैं प्रयत्नशील छौं। हाम्रो यो प्रयत्न अन्तिमसम्म जारी रहन्छ। 


प्रकाशित: January 19, 2021 | 12:08:00 काठमाडौं, मंगलबार, माघ ६, २०७७

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
संवाद

सरकार कांग्रेसकै नेतृत्वमा बन्छ, जनताको चाहनालाई केन्द्रमा राख्ने छौं : प्रकाशशरण महत [अन्तरवार्ता]

नयाँ पीढीको अपेक्षामा खरो उत्रिनुपर्ने देखियो। पार्टी, व्यक्तिको लाभहानीभन्दा माथि उठेर देश र जनताको लाभ हानीमा ध्यान केन्द्रित गर्नुपर्छ। उच्च कर्तव्यनिष्ठताका साथ रातदिन आफ्नो जिम्मेवारीप्रति पूर्ण जिम्मेवार भएर काम गर्नुपर्छ। त्यसपछि यो निराशाको माहौल हटेर हामीप्रति विश्वासको वातावरण बन्ने छ।
नेपाल समय
संवाद

मतदानको निष्पक्षतामा असर पार्ने जो कोहीलाई पनि कारबाही हुन्छ : दिनेशकुमार थपलिया [अन्तर्वार्ता]

मतदान शुरू हुने दिनभन्दा ४८ घण्टा अघिदेखि अर्थात आज राति १२ बजेदेखि मतगणना सम्पन्न नभएसम्म मदिरा बिक्री वितरण तथा सेवन गर्ने/गराउने कार्यलाई पूर्ण रूपले निधेष गर्ने व्यवस्था मिलाउन जिल्ला आचारसंहिता अनुगमन समिति र स्थानीय प्रशासनलाई सक्रिय बनाइएको छ।
नेपाल समय
संवाद

मकवानपुरबासीको मन र मत पाउन प्रत्यक्ष चुनावमा होमिएकी हुँः महालक्ष्मी उपाध्याय [अन्तर्वार्ता]

मैले सांसदमात्रै बन्न उम्मेदवारी दिएकी होइन। सांसद बन्नकै लागि भए समानुपातिकको पहिलो नम्बरमा बस्थें। नेताहरूले समानुपातिकको सूचीमा बस्न आग्रह गरे पनि प्रत्यक्षतर्फ नै उम्मेदवार बन्ने अठोट लिएर मकवानपुरबासीको मन र मत पाउन चुनावी मैदानमा होमिएकी हुँ।
नेपाल समय
संवाद

शेरबहादुरजीले विश्राम लिनुपर्छ, प्रधानमन्त्री म बन्छु : शशांक कोइराला

मान्छेले राजनीति किन गर्छ? राजनीति गरिसकेपछि सबैभन्दा माथिल्लो तलामा जाने चाहना हुन्छ। त्यो चाहना मेरो पनि छ। म प्रधानमन्त्रीको बलियो उम्मेदवार पनि हो। पार्टीभित्र कुरा भइसकेको छैन तर म प्रधानमन्त्री बन्न बलियो दाबी गर्ने व्यक्ति हुँ।
नेपाल समय
संवाद

दलका घोषणापत्र बनाउने अर्थविद् लेखनदास मात्रै हुन् : डा. विमल कोइराला [अन्तर्वार्ता]

राजनीतिक दलले जारी गरेका घोषणापत्र वाचाकबुल र आश्वासन दिने तर काम नगर्नेहरूको फेहरिस्त मात्र हो। राजनीतिक दलहरूका बीचमा कति हावादारी गफ लेख्ने भन्ने प्रतिस्पर्धा चलिरहेको छ। जसले बढी हावादारी कुरा घोषणापत्रमा लेख्छ, उही जनताको बीचमा लोकप्रिय हुन्छ भन्ने भ्रम छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना