प्रदेश १ मा १८० संक्रमित थपिए, ८४ डिस्चार्ज

विराटनगर– पछिल्लो २४ घण्टाम प्रदेश १ मा १८० जना कोरोना संक्रमित थपिएका छन्। ७७३ जनाको पीसीआर परीक्षण गर्दा ६८ महिला र ११२ पुरुषको रिपोर्ट पोजेटिभ आएको हो। 

सुनसरीमा ५३, झापामा ४९, मोरङमा ३६, इलाममा १७, पाँचथरमा ६, धनकुटामा ४, उदयपुरमा २, ताप्लेजुङ, तेह्रथुम र भोजपुरमा १–१ र प्रदेश १ बाहिरका १० जना रहेको सामाजिक विकास मन्त्रालयले जनाएको छ। 

सुनसरीको धरानमा २५, इटहरीमा २३, दुहवी र रामधुनीमा २–२, भोक्राहानरसिंहमा १, झापाको दमकमा २२, विर्तामोडमा ७, भद्रपुरमा ५, अर्जुनधारामा ४, मेचीनगरमा ३, कनकाईमा २, शिवसताक्षी, बाह्रदशी, कचनकवल, गौरादह र झापा गाउँपालिकामा १–१ र स्थानीय तह नखुलेका १ जनामा कोरोना संक्रमण पुष्टि भएको छ।

मोरङको विराटनगरमा १६, कटहरी र सुन्दरहरैचामा ४–४, बेलबारीमा ३, कानेपोखरी, पथरीशनिश्चरे र सुनबर्षीमा २–२, केराबारी, रंगेली र ग्रामथानमा १–१ जनामा संक्रमण देखिएको छ।

उता इलामको सुर्योदयमा १४, इलाम नगरपालिका, देउमाई र चुलाचुलीमा १–१, पाँचथरको फिदिममा ४, मिक्लाजुङ र स्थानीय तह नखुलेको १–१, धनकुटाको धनकुटा नगरपालिकामा ४, उदयपुरको त्रियुगा र वेलकामा १–१, ताप्लेजुङको फुङलिङ, तेह्रथुम र भोजपुरमा १–१ र प्रदेश १ बाहिरका १० जनाको रिपोर्ट पोजेटिभ आएको सामाजिक विकास मन्त्रालयले जनाएको छ। 

प्रदेश १ मा कोरोना संक्रमितको संख्या २६ हजार ८५९ पुगेको छ। 

प्रदेश १ मा शनिबार ८४ जना डिस्चार्ज भएका छन्। डिस्चार्ज हुने सवै होमआइसोलेसनका रहेका हुन्। हालसम्म डिस्चार्ज हुनेको संख्या २१ हजार ७६२ पुगेको छ।