बुटवलको कोरोना अस्पतालमा दुई जना संक्रमितको मृत्यु

उपचारका क्रममा रहेका दुई जना कोरोना संक्रमितको बुटवलमा मृत्यु भएको छ।

नेपाल समय | शनिबार, मंसिर १३, २०७७

नेपाल समय

शनिबार, मंसिर १३, २०७७

बुटवलको कोरोना अस्पतालमा दुई जना संक्रमितको मृत्यु

बुटवल– उपचारका क्रममा रहेका दुई जना कोरोना संक्रमितको बुटवलमा मृत्यु भएको छ। बुटवलस्थित कोरोना विशेष अस्पतालमा उपचार गराइरहेका बुटवल उपमहानगरपालिका–७ का ४२ वर्षीय पुरुष र कपिलवस्तुको गोरुसिङ्गे २ का ७४ वर्षीय पुरुषको शुक्रबार राति मृत्यु भएको हो।

बुटवलका पुरुषलाई मंसिर ५ गते कोरोना पुष्टि भएको र उनको शुक्रबार राति करिब साढे ११ बजे मृत्यु भएको अस्पतालका सूचना अधिकारी डा विष्णु गौतमले जानकारी दिए।

त्यस्तै गोरुसिङ्गेका पुरुषलाई मंसिर ९ गते कोरोना पोजिटिभ देखिएको थियो। उनको पनि उपचारका क्रममा शुक्रबार राति १० बजेर २० मिनेटमा मृत्यु भएको अस्पतालले जनाएको छ। मृतक दुवै जनामा मिर्गौलाको समस्या थियो।

प्रकाशित: Nov 28, 2020| 02:44 शनिबार, मंसिर १३, २०७७