भरतपुर अस्पतालमा ४५ मिनेटको अन्तरमा २ कोरोना संक्रमितको मृत्यु

भरतपुरको सरकारी अस्पतालमा ४५ मिनेटको फरकमा आज २ जना कोरोना संक्रमितको मृत्यु भएको छ ।

नेपाल समय | शुक्रबार, मंसिर १२, २०७७

नेपाल समय

शुक्रबार, मंसिर १२, २०७७

भरतपुर अस्पतालमा ४५ मिनेटको अन्तरमा २ कोरोना संक्रमितको मृत्यु

चितवन- भरतपुरको सरकारी अस्पतालमा ४५ मिनेटको फरकमा आज (शुक्रबार) २ जना कोरोना संक्रमितको मृत्यु भएको छ ।

भरतपुर महानगरपालिका–१७ का ७७ वर्षीय पुरुषको बिहान ५ः१५ बजे र मकवानपुरको हेटौंडा उपमहानगरपालिका–१० की ५७ वर्षीया महिलाको बिहान ६ बजे मृत्यु भएको अस्पताल प्रशासनले जनाएको छ ।

भरतपुर महानगरपालिका–१७ का ७७ वर्षीय पुरुषलाई मंसिर ३ गते संक्रमण पुष्टि भएको थियो । उनको स्वास्थ्य अवस्था जटिल भएसँगै दुई दिनपछि मात्र अस्पताल आएका थिए ।

यस्तै मकवानपुरको हेटौंडा उपमहानगरपालिका–१० की ५७ वर्षीया महिलामा मंसिर ८ गते कोरोना संक्रमण पुष्टि भएको थियो । उनको स्वास्थ्यस्थिति बिग्रन थालेपछि ११ गते अस्पताल भर्ना गरिएको थियो ।

अहिलेसम्म चितवनका ८९ जनाको कोरोनाबाट मृत्यु भएको छ । यसमा चितवनबाहिरबाट उपचारका लागि ल्याइएकाहरूको संख्या जोडिएको छैन ।

प्रकाशित: Nov 27, 2020| 05:19 शुक्रबार, मंसिर १२, २०७७