कोरोना संक्रमणबाट मोरङमा २ शिक्षकको मृत्यु

पछिल्लो २४ घण्टामा कोरोना भाइरसको संक्रमणबाट मोरङमा २ शिक्षकको मृत्यु भएको छ ।

नेपाल समय | मंगलबार, कात्तिक १८, २०७७

नेपाल समय

मंगलबार, कात्तिक १८, २०७७

विराटनगर- पछिल्लो २४ घण्टामा कोरोना भाइरसको संक्रमणबाट मोरङमा २ शिक्षकको मृत्यु भएको छ ।

मछिन्द्र मावि केराबारी र जनपथमावि विराटनगरका शिक्षकको कोरोनाबाट मृत्यु भएको हो ।

मन्छिन्द्र माविका ५० वर्षीय शिक्षकको वीपी कोइराला स्वास्थ्य विज्ञान प्रतिष्ठान धरानमा मंगलबार विहान मृत्यु भएको हो ।

दुई साता अघि कोरोना संक्रमण देखिएपछि केही दिन होमआईसोलेसनमा रहेका उनमा स्वासप्रश्वासमा समस्या देखिएपछि धरान लगिएको मन्छिन्द्र माविका प्रधानाध्यापक झलकप्रसाद पौडेलले जानकारी दिए । मृतक शिक्षक नसा सम्बन्धी रोगबाट पीडित थिए ।

जनपथ माविका ५४ वर्षीय शिक्षकको न्युरो अस्पताल विराटनगरमा सोमबार मृत्यु भएको जनपथ माविका प्रधानाध्यापक हरिप्रसाद पराजुलीले जानकारी दिए ।

उनका अनुसार असोज २८ गते कोरोना संक्रमण देखिएपछि विराट मेडिकल कलेजमा उपचार शुरु गरिएको थियो । विराटबाट कात्तिक १३ गते न्युरो अस्पतालमा रेफर गरिएको थियो । मृतक शिक्षक मुटु र मृगौला रोगबाट पीडित थिए ।

प्रकाशित: Nov 03, 2020| 04:33 मंगलबार, कात्तिक १८, २०७७