थप १९ सय ५४ मा कोरोना पुष्टि, २९ सय ८१ जना डिस्चार्ज

काठमाडौं- पछिल्लो २४ घण्टामा नेपालमा थप १९ सय ५४  जनामा कोरोना संक्रमण पुष्टि भएको छ। नेपालमा कोरोना संक्रमितको कुल संख्या १ लाख ६२ हजार ३५४ पुगेको छ।

पछिल्लो २४ घण्टामा ८२४८ जनाको पीसीआर परीक्षण गरिएको छ। हालसम्म १४ लाख ९ हजार २९५ जनाको पीसीआर परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ।

आज ३९ हजार ६४३ जना सक्रिय संक्रमित रहेका छन्। जसमध्ये ७ हजार ७०९ जना संस्थागत आइसोलेसनमा र ३१ हजार ९३४ जना होम आइसोलेसनमा छन्।

२ हजार ८८९ जना क्वारेन्टिनमा रहेको मन्त्रालयले जनाएको छ।

आज २ हजार ९८१ जना कोरोनामुक्त भएर डिस्चार्ज भएका छन्। योसहित कोरोना संक्रमणमुक्त भएपछि डिस्चार्ज हुनेको संख्या १ लाख २१ हजार ८२४ पुगेको छ।

पछिल्लो २४ घण्टामा ११ जनाको कोरोना संक्रमणबाट मृत्यु भएको छ। यो सहित नेपालमा कोरोना संक्रमणबाट मृत्यु हुनेको संख्या ८८७ पुगेको छ।