प्रदेश १ मा ४६० कोरोना संक्रमित थपिए, कुन जिल्लामा कति ?

विराटनगर- पछिल्लो २४ घण्टामा प्रदेश १ मा ४६० जना कोरोना संक्रमित थपिएका छन्।

मोरङमा २६२, सुनसरीमा १३१, झापामा ४१, उदयपुरमा ११, संखुवासभामा ४, तेह्रथुममा ३, धनकुटा र खोटाङमा २-२ र प्रदेश १ बाहिरका ४ जनाको रिपोर्ट पोजेटिभ आएको सामाजिक विकास मन्त्रालयले जनाएको छ।

मन्त्रालयका अनुसार विराटनगरमा १३५ जनामा संक्रमण देखिएको छ। संक्रमण पुष्टि भएकामा ५४ महिला र ८१ पुरुष छन्। मोरङको पथरीशनिश्चरेमा ३८, कटहरीमा २३, सुनबर्षीमा २०, बेलबारीमा १३, बुढीगंगामा ७, रंगेलीमा ६, मिक्लाजुङमा ४, जहदामा ३, ग्रामथान, कानेपोखरी, धनपालथान, केराबारी र सुन्दरहरैचामा १-१ र स्थानीय तह नखुलेका ८ जनाको रिपोर्ट पोजेटिभ आएको छ। 

सुनसरीको इनरुवामा ५८, धरानमा ५६, इटहरीमा ८, गढीमा २, बर्जु, हरिनगर र दुहवीमा १-१ र स्थानीय तह नखुलेका ४ जनाको रिपोर्ट पोजेटिभ आएको सामाजिक विकास मन्त्रालयले जनाएको छ।

उता झापाको विर्तामोड र भद्रपुरमा १०-१०, मेचीनगरमा ८, दमकमा ७, कनकाई, बाह्रदशी, कचनकवल, बुद्धशान्ति, हल्दिबारी र स्थानीय तह नखुलेका १-१ जनामा संक्रमण देखिएको छ। 

उदयपुरको कटारीमा १० र स्थानीय तह नखुलेका १, संखुवासभाको मादीमा ४, तेह्रथुमको छथरमा ३, धनकुटामा २, खोटाङको दिक्तेल, रुपाकोट, मझुवागढी र साकेलामा १-१ र प्रदेश १ बाहिरका ४ जनाको रिपोर्ट पोजेटिभ आएको छ। प्रदेश १ मा कोरोना संक्रमितको संख्या १६ हजार ४६८ पुगेको छ।

प्रदेश १ मा शुक्रबार ४८८ जना डिस्चार्ज भएका छन्। होम आइसोलेसनबाट ४७९, जिल्ला अस्पताल धनकुटाबाट ८ र मेची अस्पतालबाट १ जना डिस्चार्ज भएका हुन्। हालसम्म ७ हजार ११३ जना डिस्चार्ज भएका छन्।

प्रदेश १ मा शुक्रबार १ हजार ५८५ जनाको पीसीआर परीक्षण गरिएको छ। परीक्षण गरिएकामध्ये १६० महिला र ३०० पुरुषको रिपोर्ट पोजेटिभ आएको छ। हालसम्म १ लाख ५२ हजार ५९६ जनाको पीसीआर परीक्षण गरिएको सामाजिक विकास मन्त्रालयले जनाएको छ।