संकटकाल र कर्फ्युको हल्ला निराधार : गृह मन्त्रालय

गृह मन्त्रालयले संकटकाल र कर्फ्यु लाग्ने भन्दै मोबाइल, सामाजिक सञ्जाल लगायत विद्युतीय माध्यममा आएका खबर निराधार भएको प्रष्ट पारेको छ।

नेपाल समय | सोमबार, कात्तिक ३, २०७७

नेपाल समय

सोमबार, कात्तिक ३, २०७७

काठमाडौं- गृह मन्त्रालयले संकटकाल र कर्फ्यु लाग्ने भन्दै मोबाइल, सामाजिक सञ्जाल लगायत विद्युतीय माध्यममा आएका खबर निराधार भएको प्रष्ट पारेको छ।

गृह मन्त्रालयका प्रवक्ता सहसचिव चक्रबहादुर बुढाले विज्ञप्ति जारी गर्दै यस विषयमा मन्त्रालयको ध्यानाकर्षण भएको जनाएका छन्।

‘३ कात्तिकमा मोबाइल, सामाजिक सञ्जाल लगायत विद्युतीय माध्यममा सुरक्षा संवेदनशील विषयसमेत जोडी संकटकाल तथा कर्फ्यु लाग्ने भन्ने सूचना सम्प्रेषित गरेको पाइएकोले यस मन्त्रालयको ध्यानाकर्षण भएको छ,’ विज्ञप्तिमा भनिएको छ।

मन्त्रालयले उक्त सूचना तथ्यहीन, भ्रामक, निराधार र गलत भएको प्रष्ट पारेको छ।

‘गृह मन्त्रालयले यस घटनालाई गम्भीरतापूर्व लिई आवश्यक अनुसन्धान प्रक्रिया अघि बढाइसकेको छ,’ विज्ञप्तिमा भनिएको छ।

प्रकाशित: Oct 19, 2020| 09:27 सोमबार, कात्तिक ३, २०७७