आईपीएलमा कोलकाताले चेन्नईलाई हरायो

जारी सिजनमा चेन्नईको यो चौथो हार हो भने कोलकाताको तेस्रो जित।

नेपाल समय | बिहीबार, असोज २२, २०७७

नेपाल समय

बिहीबार, असोज २२, २०७७

युएईको अबुधाबीमा जारी इन्डियन प्रिमियर लिग (आईपीएल) को २१ औं खेलमा चेन्नई सुपर किंग्स कोलकाता नाइट राइडर्ससँग १० रनले पराजित भएको छ। जारी सिजनमा चेन्नईको यो चौथो हार हो भने कोलकाताको तेस्रो जित।

जितका लागि १ सय ६८ रनको लक्ष्य पछ्याएको चेन्नईले २० ओभरमा ५ विकेटको क्षतिमा १५७ रनमात्र बनाउन सक्यो।

त्यसअघि शेख जायद स्टेडियम अबुधाबीमा टस जितेर ब्याटिङ रोजेको कोलकाताले २० ओभरमा अलआउट हुँदै १६७ रन बनाएको थियो।

चेन्नईले अब शनिबार रोयल च्यालेन्जर्स बेंगलोरसँग खेल्नेछ। कोलकाता पहिलो खेलमा मुम्बईसँग ४९ रनले हारेको थियो। दोस्रो खेलमा हैदराबादलाई ७ विकेटले हराएको थियो।

राजस्थानलाई ३७ रनले पराजित गर्दा दिल्लीसँग १८ रनले पराजित हुन पुगेको थियो। कोलकाताले शनिबार किंग्स इलेभेन पन्जाबसँग खेल्नेछ।