गृहमन्त्रीका राजनीतिक सल्लाहकारलाई कोरोना संक्रमण

गृहमन्त्री रामबहादुर थापाका राजनीतिक सल्लाहकार सूर्य सुवेदीलाई कोरोना संक्रमण भएको छ।

नेपाल समय | बुधबार, असोज २१, २०७७

नेपाल समय

बुधबार, असोज २१, २०७७

गृहमन्त्रीका राजनीतिक सल्लाहकारलाई कोरोना संक्रमण

काठमाडौं– गृहमन्त्री रामबहादुर थापाका राजनीतिक सल्लाहकार सूर्य सुवेदीलाई कोरोना संक्रमण भएको छ। सुवेदीले सामाजिक सञ्जालमा आफूलाई कोरोना संक्रमण भएको पुष्टि गरेका छन्।

‘पीसीआर परीक्षणले मलाई कोरोना पोजेटिभ देखियो। यो बीचमा सम्पर्कमा रहेका सबै मित्रहरुले विशेष सावधानी अपनाउन आग्रह गर्दछु,’ उनले लेखेका छन्।

स्वास्थ्यमा सामान्य समस्या देखिएपछि सुवेदी तीन दिनदेखि मन्त्रालय नगएर घरमै आराम गरिरहेका थिए। अघिल्लो साता सुवेदी गृहमन्त्री थापा, सशस्त्र प्रहरी बलका प्रमुख आईजीपी शैलेन्द्र खनालसहित दार्चुलाको छाङरु पुगेका थिए।

केही दिनअघि प्रधानमन्त्री केपी शर्मा ओलीका तीनजना सल्लाहकार, सचिवालयका सदस्य र सुरक्षाकर्मीसहित ७६ जनामा कोरोना भाइरसको संक्रमण देखिएको थियो।

प्रकाशित: Oct 07, 2020| 06:40 बुधबार, असोज २१, २०७७