प्रदेश १ : ६६६ को परीक्षण गर्दा ३३० जनामा कोरोना संक्रमण 

विराटनगर– पछिल्लो २४ घण्टामा प्रदेश १ मा ६६६ जनाको पीसीआर परीक्षण गरिएको छ। परीक्षण गरिएकामध्ये १३५ पुरुष र १९५ महिला छन्। 

दैनिक संक्रमण संख्यामा यो अहिलेसम्मकै उच्च हो। मोरङमा २१०, सुनसरीमा ९१, झापामा १७, संखुवासभामा तीन, उदयपुरमा दुई, धनकुटा र खोटाङमा एकएक र प्रदेश १ बाहिरका जिल्लाका पाँच जना रहेको सामाजिक विकास मन्त्रालयले जनाएको छ। 

मन्त्रालयका अनुसार विराटनगरमा १५० जनामा संक्रमण देखिएको छ। संक्रमण पुष्टि भएकामा ६९ महिला र ८१ पुरुष छन्। 

मोरङको सुन्दरहरैचामा १३ महिला र आठ पुरुष, कटहरीमा सात महिला र १२ पुरुष, बूढीगंगामा एक महिला र चार पुरुष, रंगेलीमा एक महिला र दुई पुरुष, धनपालथानमा एक महिला र दुई पुरुष, रतुवामाईमा तीन पुरुष, जहदा, कानेपोखरी र पथरीशनिश्चरेमा एकएक पुरुष र स्थानीय तह नखुलेका तीन पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ।

सुनसरीको धरानमा २८ महिला २६ पुरुष, इटहरीमा ६ महिला १२ पुरुष, इनरुवामा एक महिला चार पुरुष, रामधुनीमा दुई महिला दुई पुरुष, बर्जुमा एक महिला तीन पुरुष, दुहवी, भोक्राहानरसिंह र बराहक्षेत्रमा एक–एक पुरुष, स्थानीय तह नखुलेका एक महिला दुई पुरुषमा कोरोना संक्रमण भएको छ।

झापाको भद्रपुरमा एक महिला पाँच पुरुष, बिर्तामोड र दमकमा तीनतीन पुरुष, हल्दिबारीमा दुई पुरुष, बाह्रदशी, अर्जुनधारा, बुद्धशान्तिमा एक–ए पुरुषको रिपोर्ट पोजेटिभ आएको छ । 

संखुवासभाको खाँदबारीमा दुई र चैनपुरमा एक पुरुष, उदयपुरको त्रियुगामा दुई पुरुष, धनकुटा र खोटाङको दिक्तेलमा एक–एक पुरुष र प्रदेश १ बाहिरका दुई महिला र तीन पुरुषमा संक्रमण देखिएको सामाजिक विकास मन्त्रालयले जनाएको छ।

प्रदेश १ मा कोरोना संक्रमितको संख्या ८ हजार १०५ पुगेको छ।

प्रदेश १ मा मंगलबार ३२ जना डिस्चार्ज भएका छन्। जिल्ला अस्पताल संखुवासभाबाट ३०, बीपी कोइराला स्वास्थ्य विज्ञान प्रतिष्ठान र विराट मेडिकल कलेजबाट एकएक जना डिस्चार्ज भएको सामाजिक विकास मन्त्रालयले जनाएको छ। 

प्रदेश १ मा डिस्चार्ज हुनेको संख्या चार हजार १२२ पुगेको छ।