मंगलबार, असोज १८, २०७९

व्यावसायिक र समावेशी टिम भएकाले हामी चुनाव जित्छौं  : चन्द्रप्रसाद ढकाल (अन्तर्वार्ता)

नेपाल समय  |  काठमाडौं, बिहीबार, मंसिर ११, २०७७

नेपाल समय

नेपाल समय

बिहीबार, मंसिर ११, २०७७, काठमाडौं

नेपाल समय

उद्योगी, व्यवसायीको सबैभन्दा ठूलो छाता संगठन नेपाल उद्योग वाणिज्य महासंघ (एफएनसीसीआई) को साधारणसभा बिहीबार सुरु भएको छ। साधारणसभाअन्तर्गत १३ गते महासंघको आगामी कार्यकालका लागि निर्वाचन हुनेछ। महासंघको विधानमा वरिष्ठ उपाध्यक्ष अर्को कार्यकालको स्वतः अध्यक्ष हुने प्रावधान छ। वरिष्ठ उपाध्यक्षमा उम्मेदवारी दिएका आइएमई ग्रुपका अध्यक्ष चन्द्रप्रसाद ढकालसँग चुनावी एजेन्डा र निर्वाचित भएमा उनले गर्ने कामका बारेमा गरिएको  कुराकानीको सम्पादित अंश : 

तपाईंले महासंघमा लामो समय बिताउनुभयो। वर्तमान कार्यकालमा उपाध्यक्ष हुनुहुन्छ। अहिलेसम्म तपाईंले गरेका सम्झनलायक काम केके छन्? 

म आफैंले के गरें भन्नुभन्दा पनि मेरो कामको मूल्यांकन मेरा अग्रज र व्यवसायी साथीहरूबाट भएको होला। म कार्यकारिणी समिति सदस्यमा आउँदा अध्यक्ष रहेका आदरणीय सुरज वैद्यदेखि आजसम्म मैले दिएको योगदान संस्थागत सम्पत्ति हो। मलाई लाग्छ, संस्थाले दिएको जिम्मेवारी मैले पूर्ण रुपमा गरें।

१० वर्षसम्म गरेको कार्यलाई पूरै स्मरण गर्न त नसकौंला तर पछिल्लो उदाहरण रोजगारदाता परिषद्को सभापतिका रूपमा न्यूनतम पारिश्रमिक विवादको समाधानलाई पनि लिन सकिन्छ। 

लकडाउन अवधिको तलबमान निर्धारणका विषयमा म आफैं परिषद्को सभापति भएकोले एफएनसीसीआईको प्रतिनिधित्व गर्नुपर्दथ्यो, गरें। सरकार र मजदुर साथीहरुका प्रतिनिधिसँग बसेर समन्वय गरियो। यसमा सरकारको निर्णयभन्दा एक कदम अगाडि सरेर मजदुर प्रतिनिधिलाई ५० प्रतिशत तलबमा सहमत गराउने कामको समन्वय मैले नै गरेको हुँ। 

त्यसैगरी दुर्गमका जिल्ला, नगरदेखि अन्तर्राष्ट्रिय मञ्चहरूमा समेत महासंघको उपस्थितिका लागि अहोरात्र खटेको छु। नीति निर्माणका तहमा निजी क्षेत्रका आवाज मुखरित गरेकै छु। महासंघको प्रादेशिक संरचनाअनुसार स्थापना भएको प्रदेश उद्योग वाणिज्य संघको पूर्वाधारको व्यवस्थालगायत जिल्ला–नगरका हरेक सरोकार र जिल्लाका साथीहरुका गुनासालाई सुल्झाउने प्रयास गरेको छु। महासंघका साथीहरु यी सबै कामको साक्षी हुनुहुन्छ। 

महासंघको वरिष्ठ उपाध्यक्षमा तपाईंको उम्मेदवारी किन? तपाईंलाई मत दिनुपर्ने कारण? 

समृद्धिको यात्राको दरिलो खम्बा निजी क्षेत्र हो। तर निजी क्षेत्रले राज्यबाट अपेक्षाअनुसार सम्मान पाउन सकेको छैन। जुन बेला मुलुकको निजी क्षेत्रलाई आवश्यक परेको छ, अभिभावक चाहिएको हुन्छ त्यस बेला भने अभिभावकको भूमिका प्राप्त गर्न सकेको छैन। 

मेरो उम्मेदवारी यो क्षेत्रले सम्मान पाउन सक्ने अवस्था दिलाउन र राज्यबाट अभिभावकत्व पाउनका लागि हो। यसका लागि हामीले संघर्ष र संवाद दुवै गर्नुपर्ने हुन सक्छ। मचाहिँ संवादमा बढी विश्वास गर्छु। 

निजी क्षेत्रलाई राज्यले बोलीमा विकास र समृद्धिको स्टेकहोल्डर ठानेको छ। त्यसलाई व्यवहारमै आत्मसात् गर्न सक्ने बनाउनुपर्छ। त्यसैले पनि मेरो टिम महासंघको नेतृत्वमा पुग्नुपर्ने अवस्था छ। यसका साथै कोरोनाले थलिएको निजी क्षेत्र र देशको अर्थतन्त्र माथि उकास्न पनि सक्षम र सबल नेतृत्व चाहिन्छ। यसैका लागि हामी महासंघ नेतृत्वका लागि अघि बढेका हौं।

हामीले औद्योगिक र व्यापारिक वातावरण बनाउन थुप्रै काम गर्न बाँकी छ। ती विषयलाई हाम्रो टिमले एजेन्डाका रूपमा अगाडि बढाएको छ। म नेतृत्वमा आउनासाथ ती क्षेत्रको काम थाल्नेछु। 

अर्काे कुरा म महासंघमा द्विराष्ट्रिय र एसोसिएटबाटै प्रतिनिधित्व गरेको भए पनि जिल्ला–नगरका साथीभाइसँग सबैभन्दा बढी भिजेको छु। ताप्लेजुङदेखि दार्चुलासम्मका सबै जिल्ला तथा नगर उद्योग वाणिज्य संघका साथीहरूलाई सम्बन्धित जिल्लामै गएर भेट्ने महासंघको एक्लो पदाधिकारी मै हुँ। 

हामी नगरपालिकाको व्यावसायिक करमा उद्योग वाणिज्य संघलाई सहभागी गराउन पहल गर्नेछौं। निम्न आय भएका व्यवसायलाई कम्तीमा वार्षिक पाँच लाख रुपैयाँको आम्दानीको स्रोत जुटाउन मोडल बनाउने हाम्रो अर्को योजना हो। 

त्यसैगरी जिल्ला नगरका समस्या समाधान गर्न महासंघसँग सीधै जोडिने गरी संयन्त्र बनाउने योजना अगाडि सारेका छौं।

कोरोना महामारीले गर्दा इतिहासमै नभोगेको र नसोचेको क्षतिको अवस्था भोग्न बाध्य भएका छौं। यो जटिल चुनौतीसँग जुध्न महासंघमा दरिलो नेतृत्वको खाँचो महसुस भएको हो।

यही संकटसँग जुध्नका लागि व्यवसायी साथीहरूलाई बलियो काँध चाहिएकाले उहाँहरुले मलाई अघि सार्नुभएको हो। त्यसैले म नेतृत्वमा पुगेपछि उद्योगी व्यवसायीका समग्र समस्या समाधानमा लागिपर्ने प्रतिबद्धता व्यक्त गर्न चाहन्छु। 

निर्वाचनमा तपाईंको टिमले जित्ने आधार के हो? 

हाम्रो टिम उद्योग व्यवसाय क्षेत्रको अनुभवले खारिएको छ। उम्मेदवार साथीहरूमा मुलुकका लागि केही गरौं भन्ने उत्साह छ। युवा जोशदेखि दशकौं लामो व्यावसायिक तथा चेम्बर आन्दोलनको अनुभवले भरिपूर्ण साथीहरूको समूह छ।

व्यावसायिक होस् कि भौगोलिक सबै हिसाबले टिम समावेशी छ। यसले व्यावसायिक र क्षेत्रगत सन्तुलन समेटेको छ। उत्पादनमूलक, सेवा, व्यापार, जलविद्युत्, कृषि, पर्यटन, साना–मझौलालगायत सबैखाले व्यवसायको सुनिश्चित प्रतिनिधित्व हाम्रो टिममा छ। 

देशमा औद्योगिक वातावरण निर्माण गर्न, वैदेशिक लगानी भित्र्याउन, नयाँनयाँ प्रविधि भित्र्याउन, निजी क्षेत्रको सिर्जनात्मक भूमिका बढाएर व्यावसायिक क्षेत्रमा देखापरेका समस्या समाधान गर्न र व्यवसायीका अधिकारका लागि सरकारसँग लबिङ या पोलिसी डायलग गर्न यो टिम सक्षम र सशक्त छ। 

हाम्रो मान्यता महासंघमा रियल स्टेकहोल्डरले मात्र नेतृत्व गर्नुपर्छ भन्ने हो। साना व्यवसायदेखि कर्पाेरेट तहमा व्यवसाय गरेकाहरूको प्रतिनिधित्व छ। जस्तो कि राज्यले दिने सीआईपी सम्मान पाउने चारजना पदाधिकारीका उम्मेदवारमध्ये दुई जना हाम्रो टिममा छौं। यो पनि हामीले चुनाव जित्ने एउटा आधार हो।       

कोरोना महामारीले देशको उद्योग व्यवसाय संकटमा छ। यस्तो बेलामा मुलुकको समग्र व्यवसाय क्षेत्रलाई नै पुनस्र्थापनाका लागि तपाईंले के पहल गर्नुहुन्छ?

अहिले उद्योग, व्यवसाय क्षेत्र सबैभन्दा बढी मारमा छ। हामी यसअघि कहिल्यै नआएको र नसोचेको क्षतिको अवस्था भोग्न बाध्य भएका छौं। त्यही कारण यो संकटसँग जुध्न पनि हामीलाई बलियो र सशक्त नेतृत्व चाहिएको हो। 

कुनै पनि क्षेत्रका लागि यस्तै संकटकै बेलामा बलियो नेतृत्व चाहिने हो। मेरो बुझाइमा नेतृत्व भनेको संकटको सारथि हो। हाम्रो टिम त्यही सारथिको काम गर्ने जिम्मेवारीमा जाँदै छौं। 

अहिलेको चुनौतीसँग जुधेर देशको समग्र निजी क्षेत्रको मनोबल उँचो पार्ने काममा दरिलो आत्मविश्वासका साथ हामी लाग्नुपर्ने अवस्था छ। नेतृत्वमा पुगेपछि मेरो प्रयास पनि यसैमा केन्द्रित रहनेछ। 

उद्योग व्यवसाय क्षेत्रलाई राहत प्रदान गर्न र अहिलेको अवस्थालाई माथि उठाउन पनि हामीसँग कार्ययोजना छन्। हामीले ‘एफएनसीसीआई भिजन २०२५’ को मस्यौदा बनाएर सार्वजनिक पनि गरेका छौं, हामी त्यसैमार्फत अघि बढ्छौं। 

लामो अनुभव र सबैको साथले म जित्छु : किशोर प्रधान (अन्तर्वार्ता)


प्रकाशित: November 26, 2020 | 07:00:00 काठमाडौं, बिहीबार, मंसिर ११, २०७७

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
संवाद

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।
नेपाल समय
संवाद

लगानीकर्ताको हितलाई केन्द्रमा राखेर नयाँ एक्सचेन्ज ल्याउन लागिएको हो : सेबोन अध्यक्ष हमाल [अन्तर्वार्ता]

हामीले विश्वभरमा स्टक एक्सचेन्जको अवस्था, नेप्सेको अहिलेको अवस्था, यसको सेवा प्रणाली, क्षमता आदिका विषयमा गम्भीर अध्ययन गरेर नै नयाँ स्टक एक्सचेन्ज ल्याउन लागेका हौं।
नेपाल समय
संवाद

१६५ निर्वाचन क्षेत्रमा २२७ वटा सिट पाउनुपर्ने चार दलको अडान अचम्मलाग्दो छः हिमलाल पुरी [अन्तर्वार्ता]

केपी ओलीले प्रतिगमन गरे भनेर रोइलो गर्ने हामीहरू उनै ओलीलाई भावी प्रधानमन्त्री घोषणा गरेर एमाले चुनावमा गइसक्दासमेत संविधान जोगाउँछौं भनेर गठबन्धन गरेकाहरूका बीच सिट बाँडफाँटकै लागि एकता हुन नसक्नु दुर्भाग्य हुनेछ।
नेपाल समय
संवाद

प्राध्यापक लोकराज बराल भन्छन्ः दोस्रो पुस्ताले शेरबहादुर, केपी ओली र प्रचण्डलाई रिप्लेस गर्नुपर्छ [अन्तर्वार्ता]

अहिलेको राजनीति दोस्रो पुस्ताका नेताहरूले सुधार्न अबको निर्वाचन (पार्टीको आन्तरिक र आमनिर्वाचन) मा एकदमै शक्तिशाली भएर आउनुपर्छ।
नेपाल समय
संवाद

अमेरिकाका लागि राजदूत खत्री भन्छन्- नेपाल सानो देश होइन, अघि बढ्न प्रयासरत छ [अन्तर्वार्ता]

वैदेशिक नीतिको कुरा गर्ने हो भने हाम्रो नीति छर्लङ्ग छ, कतैतिर पनि झुकाव छैन। यस कुरालाई हाम्रो संविधानले पनि प्रष्ट्याएको छ। त्यसैले, विश्वव्यापी शक्तिहरुका बीचमा हुनु भनेको पनि फाइदाजनक नै हुन्छ जस्तो मलाई लाग्छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना