म्यानचेस्ट युनाइटेड र एभर्टन काराबाओ कपको अन्तिम आठमा

काठमाडौं- डोमिनिक क्यालभर्ट लनको ह्याट्रिकमा काराबाओ कपको बुधबार राति सम्पन्न खेलमा एभर्टन सानदार जितसहित कपको अन्तिम आठमा प्रवेश गरेको छ।

एभर्टनको गोडिसन पार्कमा सम्पन्न खेलमा वेस्ट हामविरुद्ध ४–१ गोलको जित निकाल्दै उ अन्तिम आठमा पुगेको हो। जितका लागि लनले ह्याट्रिक गरे भने रिकार्लिसनले एक गोल गरे।

लनले ११ औं, ७८ औं र ८४ औं मिनेटमा गोल गरेका थिए भने रिकार्लिसनले ५६ औं मिनेटमा गोल गरे।

बुधबार राति नै सम्पन्न अर्को खेलमा म्यानचेस्टर युनाइटेडले ३–० गोलको सहज जित निकाल्दै कारोबाओ कपको क्वार्टरफाइनलमा प्रवेश गरेको छ। उनसले ब्राइटोनको फाल्मर रंगशलामा घरेलु टिमविरुद्ध सहज जित निकालेको थियो।

जितका लागि स्कट म्याक टोमिनी, जुअन माटा र पाउल पोग्बाले समान १–१ गोल गरे।

यसअघि गत शनिबार सम्पन्न प्रिमियर लिगको खेलमा पनि युनाइटेडले ब्राइटोनलाई उसकै मैदानमा हराएको थियो।