एट्लेटिको मड्रिडकोमा सुवारेजको ‘हिरोइक डेब्यू’

काठमाडौं- स्पेनिस ला लिगा अन्तर्गत आइतबार राति सम्पन्न खेलमा एट्लेटिको मड्रिडले सानदार जित निकालेको छ। 

एट्लेटिकोको वान्डा मेट्रोपोलिटानो रंगशालामा सम्पन्न खेलमा उसले पहुना टिमविरुद्ध ६–१ गोलको सानदार जित निकालेको हो।

जितका लागि लुइस सुवारेजले खेलको अन्तिममा ‘हिरोइक इन्ट्रि’ मार्दै दुई गोल गरे। उनी खेलको ७१ औं मिनेटमा डियागो कोस्टाको ठाउँमा मैदान प्रवेश गरेका थिए।

पहिलो रोजाईको खलाडी नभए पनि उनले खेलको ८५ औं र इन्ज्युरी समयमा गोल गर्दै एट्लेटिकोको जितलाई ६–१ गोलको दुरीमा पुर्याए।

यता एट्लेटिकोका लागि अन्य खेलाडीमा डियागो कोस्टा, एन्जेल कोरिया, जोआ फेलिक्स र मार्कोस लोरेन्टाले समान १–१ गोल गरे।

सुआरेजसँगै मैदान पसेका लोरेन्टाले मैदान पसेको एक मिनेटमै गोल गर्दा पूर्व बार्सिलोना फरवार्ड सुवारेजले नै एसिस्ट गरेका थिए।
सिजनको पहिलो जितसँगै एट्लेटिको मड्रिडले एक तीन अंक जोडेको छ।

ला लिगा अन्तर्गत गएराति सम्पन्न अर्को खेलमा भालाडोलिडले सेन्टा भिगोसँग १–१ गोलको बराबरी खेलेको छ। त्यस्तै सेभियाले घरेलु टिम कार्डिजलाई ३–१ गोलअन्तरले पाराजित गरेको छ।