रोनाल्डोको २ गोलका बाबजुद युभेन्टसको बराबरी, सानदार जितसँगै नापोली शीर्ष स्थानमा

फरवार्ड क्रिस्टियानो रोनाल्डोले दुई गोल गरे पनि सिरी ए अन्तर्गत आइतबार राति सम्पन्न खेलमा साविक विजेता युभेन्टस बराबरीमा रोकिएको छ।

नेपाल समय | सोमबार, असोज १२, २०७७

नेपाल समय

सोमबार, असोज १२, २०७७

रोनाल्डोको २ गोलका बाबजुद युभेन्टसको बराबरी, सानदार जितसँगै नापोली शीर्ष स्थानमा

काठमाडौं- फरवार्ड क्रिस्टियानो रोनाल्डोले दुई गोल गरे पनि सिरी ए अन्तर्गत आइतबार राति सम्पन्न खेलमा साविक विजेता युभेन्टस बराबरीमा रोकिएको छ।

रोमाको स्टेडियो ओलम्पिकाओ मैदानमा सम्पन्न खेलमा घरेलु टिमले युभेन्टससँग २–२ गोलको बाराबरीमा रोकेको हो ।

युभेन्टसका लागि दुवै गोल रोनाल्डोले गरेका हुन्। यता रोमाका लागि दुवै गोल जर्डन वेरेटउटले गरे।

बराबरीसँगै दुवै टिमले अंक बाँडेका छन्। युभेन्टसले दुई खेलबाट ४ अंक बनाएको छ भने रोमाले दुवै खेलबाट एक अंक मात्र जोडेको छ।

त्यस्तै, आईतबार राति नै सम्पन्न अर्को खेलमा नापोलीले जिनोआलाई ६-० गोलले हराएको छ। नापोलीको घरेलु मैदान स्टेडियो सन पाउलोमा सम्पन्न खेलमा उसले आधा दर्जन गोल गरेको हो।

जितसँगै दुई खेलबाट ६ अंक बनाएको नापोली अंकतालिकाको शीर्ष स्थानमा छ।

प्रकाशित: Sep 28, 2020| 02:14 सोमबार, असोज १२, २०७७