उपत्यकामा पछिल्लो पाँच दिनमा २२ जना कोरोना संक्रमितको मृत्यु

काठमाडौं– कोरोना भाइरस संक्रमणबाट पछिल्लो पाँच दिनमा काठमाडौं उपत्यकामा २२ जनाको निधन भएको छ।
काठमाडौंमा ११ जना, भक्तपुरमा चार र ललितपुरमा सात जनाको निधन भएको हो।

सोमबार भक्तपुरमा दुई, काठमाडौंमा दुई र ललितपुरमा दुई जना गरी ६ जनाको मृत्यु भएको स्वास्थ्य तथा जनसंख्या मन्त्रालयको विवरणमा उल्लेख छ।

यस्तै आइतबार काठमाडौंमा चार, भक्तपुर र ललितपुरमा एकएक जनाको मृत्यु भएको थियो।

शनिबार काठमाडौंमा दुई र ललितपुरमा तीन जनाको मृत्यु भएको थियो भने शुक्रबार काठमाडौंमा दुई, भक्तपुर र ललितपुरमा एकएक जनाको मृत्यु भएको थियो।

असोज १ गते काठमाडौंमा एक जनाको मृत्यु भएको थियो।

काठमाडौं उपत्यकामा सोमबारसम्म काठमाडौंमा १४ हजार १५४, ललितपुरमा एक हजार ६१० र भक्तपुरमा एक हजार ५२६ गरी जनामा १७ हजार २९० जनामा कोरोना भाइरस संक्रमण भएको छ।

काठमाडौंमा ६ हजार ९१४, भक्तपुरमा ७३३ र ललितपुरमा ६१५ सक्रिय संक्रमित छन्।