कर्णाली प्रदेशमा थप ३७ जनामा कोरोना पुष्टि

सुर्खेत- कर्णाली प्रदेशका विभिन्न जिल्लामा थप ३७ जनाका कोरोना पुष्टि भएको छ।

प्रदेश अस्पताल तथा पशुपन्छी रोग अन्वेषण प्रयोगशाला सुर्खेतमा गरिएको परीक्षणमा सुर्खेत जिल्लाका २१ सहित २९ जनामा कोरोना पुष्टि भएको छ। जसमध्ये दैलेखका ३ तथा सल्यान, जुम्ला, कञ्चनपुर, बैतडी र प्युठानका १–१ जना छन्।

दैलेख अस्पताल प्रयोगशालामा गरिएको परीक्षणमा दैलेख जिल्लाका ७ जनामा कोरोना संक्रमण पुष्टि भएको छ।

त्यस्तै चौरजहारी नगरपालिका पीसीआर प्रयोगशालामा गरिएको परीक्षणमा एक भारतीय नागरिकमा कोरोना पुष्टि भएको छ।

योसहित कर्णाली प्रदेशमा कोरोना पुष्टि हुने व्यक्तिको संख्या ३ हजार १७३ पुगेको छ।

पछिल्लो २४ घण्टामा प्रदेशका विभिन्न आइसोलेसनबाट ९ जना डिस्चार्ज भएका छन्। योहित प्रदेशमा डिस्चार्ज हुनेको संख्या २ हजार ६८७ पुगेको छ।

प्रदेशमा हालसम्म कोरोना संक्रमणबाट ६ जनाको मृत्यु भएको छ।