प्रदेश–१ को प्रोफाइल सार्वजनिक

विराटनगर– प्रदेश १ सरकारले प्रदेश पाश्र्वचित्र (प्रोफाइल) आइतबार विराटनगरमा सार्वजनिक गरेको छ ।

आर्थिक,सामाजिक, पूर्वाधार, वातावरणीय तथा सुशासन लगायतका विषयवस्तुहरुको विभिन्न स्रोतहरुबाट प्रकाशित तथ्याङकहरु संकलन तथा विश्लेषण गरि तयार गरिएको पाश्र्वचित्र मुख्यमन्त्री शेरधन राईले सार्वजनिक गरे ।

पाश्र्वचित्र सार्वजनिक गर्दै उनले प्रदेश सरकार जनताले चाहेको विकास र समृद्धि पस्कन सक्षम रहेको बताउ । प्रदेश निर्माण भएको अवधिदेखि अहिलेसम्म विकास कार्यमा सरकार सही दिशा तर्फ अगाडि वढेको तथ्याङकले प्रष्ट पारेको उनको भनाइ छ । पाश्र्वचित्रले प्रदेश सरकारलाई आगामी दिनमा नीति कार्यक्रम तथा बजेट निर्माण गर्न तथा विकास र समृद्धिको सूचि तयार गर्न सही मार्गदर्शन प्राप्त भएको उनले बताए ।

प्रदेश सरकारले २८ महिना अवधिमा गरेका कामका विषयमा जनतासमक्ष उपलव्धी सार्वजनिक गर्ने तयारी गरिएको मुख्यमन्त्री राईको भनाई छ ।

प्रदेश योजना आयोगका उपाध्यक्ष सुवोधराज प्याकुरेलले यथार्थको धारातलमा उभिएर पाश्र्वचित्र तयार गरिएको बताए ।