आजको मौसम सामान्य, सोमबार र मंगलबार सावधान रहन अपिल

काठमाडौं– जल तथा मौसम विज्ञान विभाग अन्तर्गतको मौसम पूर्वानुमान महाशाखाले आगामी २४ घन्टाको मौसम सामान्य रहने जनाएको छ।
हाल मनसुनको न्युन चापीय रेखा नेपाल भन्दा दक्षिणतर्फ रहेको जनाइएको छ ।

महाशाखाका अनुसार प्रदेश नम्बर ५, गन्डकी, कर्णाली र वाग्मती प्रदेशमा आंसिक बदी रहेको छ। आज (आइतबार) राति आंशिकदेखि सामान्य बदली रही प्रदेश १, बागमती र गण्डकी प्रदेशका थोरै स्थानमा भने मेघगर्जन÷चट्याङसहित हल्का वर्षाको सम्भावना रहेको जनाइएको छ ।

आगामी तीन दिनको मौषम

असोज ४ गते

दिउँसोः देशभर आंशिकदेखि सामन्य बदली रही थोरै स्थानमा हल्का वर्षाको सम्भावना छ ।

रातीः देशभर आंशिकदेखि सामान्य बदली रही प्रदेश १, बागमती र गण्डकी प्रदेशका थोरै स्थानमा मेघगर्जन–चट्याङ्गसहित हल्का वर्षाको सम्भावना छ ।

असोज ५ गते

दिउँसोः देशभर सामान्यतया बदली रही देशका केही स्थानमा मेघगर्जन–चट्याङ्गसहित हल्कादेखि मध्यम वर्षाको सम्भावना छ ।

रातीः देशभर सामान्यतया बदली रही केही स्थानमा मेघगर्जन–चट्याङ्गसहित हल्कादेखि मध्यम वर्षाको सम्भावना छ । साथै प्रदेश नं १, प्रदेश नं २ र बाग्मती प्रदेशका एक(दुई स्थानमा भारी वर्षाको सम्भावना छ।

असोज ६ गते

दिउँसोः देशभर सामान्यतया बदली रही देशका केही स्थानमा मेघगर्जन–चट्याङ्गसहित हल्कादेखि मध्यम वर्षाको सम्भावना छ । प्रदेश नं १, प्रदेश २, बागमती प्रदेश, गण्डकी प्रदेशका एक, दुई स्थानमा भारी वर्षाको सम्भावना छ।

रातीः देशभर सामान्यतया बदली रही केही स्थानहरूमा मेघगर्जन–चट्याङ्गसहित हल्कादेखि मध्यम वर्षाको सम्भावना छ । प्रदेश नं १, प्रदेश २, बागमती प्रदेश, गण्डकी प्रदेशका एक,दुई स्थानमा भारी वर्षाको सम्भावना छ।