दमनले जनआवाज बन्द गर्ने हतियार उहल्यै भुत्ते भइसक्यो : गगन थापा

काठमाडौं– कांग्रेसका युवा नेता गगन थापाले शान्तिपूर्ण प्रदर्शनमा भएका शृंखलाबद्ध दमनको निन्दा गरेका छन्।

उनले यसरी भइरहेका दमन प्रहरीको आकस्मिक प्रतिक्रिया नभएर सरकारी रवैया भएको बताएका छन्।

शनिबार ट्विट गर्दै उनले भनेका छन, ‘शान्तिपूर्ण प्रदर्शनमा भएका शृंखलाबद्ध दमन ड्युटीमा रहेका प्रहरीको आकस्मिक प्रतिक्रिया मात्र होइन, विमति राख्नेलाई सर्ताउने सरकारी रवैया हो।

सरकारको यस्तो रवैयाप्रति आपत्ति जनाउँदै नेता थापाले यस्तो दमनले जनआवाज बन्द नहुने बताएका छन्।

नेपाल प्रहरी र प्रधानमन्त्रीलाई मेन्सेन गर्दै उनले ट्विटमा भनेका छन्, ‘प्रधानमन्त्रीज्यू स्मरण होस्, दमनले जनआवाज बन्द गर्ने हतियार उहिले नै भुत्ते भइसक्यो।’

यतिबेला कुलमान घिसिङलाई नेपाल विद्युत प्राधिकरणमा प्रमुख कार्यकायरी अधिकृतको रुपमा दोहोर्याउनुपर्ने लगायतका विषयमा सडक आन्दोलन भइरहेका छन्। शुक्रबार र आज (शनिबार) भएका प्रदर्शनमा प्रहरीले हस्तक्षेप गरेको छ।