कालिमाटी प्रहरीले पक्राउ गरेका चार अभियुक्त फरार

महानगरीय प्रहरी वृत्त कालिमाटीबाट चोरीको आशंकामा पक्राउ परेका चार जना व्यक्ति फरार भएका छन्।

नेपाल समय | शुक्रबार, असोज २, २०७७

नेपाल समय

शुक्रबार, असोज २, २०७७

काठमाडौं– महानगरीय प्रहरी वृत्त कालिमाटीबाट चोरीको आशंकामा पक्राउ परेका चार जना व्यक्ति फरार भएका छन्। प्रहरीको मोबाइल गस्ती टोलीले गएराति हिँडडुल गरिरहेको अवस्थामा चारै जनालाई पक्राउ गरेको थियो।

महानगरीय प्रहरी परिसर काठमाडौंका प्रवक्ता प्रहरी उपरीक्षक सोमेन्द्रसिंह राठोरले उनीहरुको खोजी भइरहेको बताए। ‘राति मोबाइल टोलीले उनीहरुलाई चोरीको आशंकामा पक्राउ गरेको थियो,’ उनले भने, ‘राति नै उनीहरु फरार भएका हुन्।’ उनले घटनाबारे अनुसन्धान भइरहेको बताए।

सोधपुक्षका लागि ल्याइएका उनीहरुलाई हिरासतमा राखिएको थिएन्। फरार हुनेमा आसु जैसवाल, अनिल जैसवाल, सुजित गुप्ता र रवीन्द्र जैसवाल रहेका छन्।

प्रकाशित: Sep 18, 2020| 11:20 शुक्रबार, असोज २, २०७७