काठमाडौंमा ५ सयभन्दा बढी संक्रमित थपिए

काठमाडौं– आज बिहीबार काठमाडौंमा ५०७ जना कोरोना संक्रमित थपिएका छन्। पछिल्लो २४ घण्टामा भएको पीसीआर परीक्षणमा उक्त संख्यामा संक्रमित थपिएका हुन्।

त्यसैगरी आज ललितपुरमा ६१ जना र भक्तपुरमा ५० जना संक्रमित थपिएका छन्।

केही सातायता काठमाडौंमा संक्रमण दर उच्च छ।

पछिल्लो २४ घण्टामा देशभर १ हजार २४६ जनामा कोरोना संक्रमण पुष्टि भएको छ। योसहित नेपालमा कुल संक्रमितको संख्या ५९ हजार ५७३ पुगेको छ।

आज देशभर १० हजार ६४१ जनाको पीसीआर परीक्षण गरिएको छ। हालसम्म नेपालमा ८ लाख ८२ हजार ९१५ जनाको पीसीआर परीक्षण भइसकेको स्वास्थ्य तथा जनसंख्या मन्त्रालयले जानकारी दिएको छ।

पछिल्लो २४ घण्टामा नेपालमा कोरोना संक्रमणबाट ४ जनाको मृत्यु भएको छ।

आज देशभर सक्रिय संक्रमितको संख्या १६ हजार २४१ छ। जसमध्ये ७ हजार ९०३ जना संस्थागत आइसोलेसनमा र ८ हजार ३३८ जना होम आइसोलेसनमा जना छन्।

आज १२ सय ४३ जना कोरोना संक्रमणमुक्त भएर डिस्चार्ज भएका छन्। योसहित कुल संक्रमणमुक्त हुनेको संख्या ४२ हजार ९४९ पुगेको छ।