भूकम्पले बागलुुङ र लमजुङमा घर भत्किए

पोखरा– सिन्धुपाल्चोक केन्द्रबिन्दु भएर आज बुधबार बिहान गएको भूकम्पका कारण बागलुङ र लमजुङमा घर भत्केका छन्।

प्रदेश प्रहरी कार्यालय गण्डकीका अनुसार बागलुङ नगरपालिका ६ भीरलाँकुरीमा दुर्गाबहादुर सुवेदीको २ तले घर भत्केको हो। ढुंगामाटोले बनेको, टिनको छानो भएको उक्त घर भत्केर पूर्णरुपमा क्षति भएको प्रहरीले जनाएको छ। घर बस्नै नहुने गरी भत्के पनि मानवीय क्षति भएको छैन।

त्यस्तै लमजुङ बेसीसहर नगरपालिका ११ तिवारीडाँडामा अम्बिका तिवारीको घर भूकम्पले भत्काएको छ। ढुंगा–माटोले बन्नेको २ तले कच्ची भत्किएको र मानवीय क्षति प्रहरीले जनाएको छ ।

पोखरामा चट्याङले घर जल्यो

बुधबार दिउँसो पोखरा महानगरपालिका २७ को घर्तीथरमा चट्याङपछि बिजुलीको लाइन सर्ट हुँदा घरमा आगो लागेको छ।

दिउँसो १ बजेतिर स्थानीय लक्ष्मी भुजेलको घरको मिटर बक्समा चट्याङपछि आगलागी हुँदा घरमा रहेको सिरक डसना, लत्ता कपडा जलेर क्षति भएको प्रदेश प्रहरीका डीएसपी राजेन्द्रबाबु रेग्मीले बताए । चट्याङले ट्वाइलेटमा समेत क्षति पुर्याएको छ ।