काठमाडौं– भातरमा कोरोना संक्रमितको संख्या ५० लाख १८ हजार नाघेको छ । २४ घन्टामा मात्रै भारतमा ९१ हजारभन्दा बढी संक्रमित थपिएको वल्डवो मिटरमा उल्लेख छ ।
यद्यपि यहाँ संक्रमित हुनेभन्दा निको हुनेको संख्या उच्च रहेको छ । २४ घन्टाको अवधिमा भारतमा ८२ हजार आठ सयभन्दा बढी मानिस कारोना जितेर घर फर्किएका छन ।
संक्रमितको संख्या उच्च भए पनि सक्रिय संक्रमित भने नौ लाख ९६ हजार मात्रै रहेको त्यहाँका अधिकारीहरुले बताएका छन ।
हालसम्म भारतमा कोरोना भाइरस संक्रमणबाट करिब ८२ हजारले ज्यान गुमाएका छन । गत २४ घन्टामा भारतमा एक हजार दुई सय ८३ जनाले ज्यान गुमाएको भारतीय अधिकारीहरुले जनाएका छन ।
प्रकाशित: Sep 16, 2020| 07:03 बुधबार, भदौ ३१, २०७७
