कञ्चनपुर । सामूहिक बलात्का मुद्दाका फरार भएका दुई जनालाई प्रहरीले छ वर्षपछि पक्राउ गरेको छ ।
जिल्ला प्रहरी कार्यालय कञ्चनपुर र इलाका प्रहरी कार्यालय त्रिभुवन बस्तीको प्रहरी टोलीले कञ्चनपुरको पुनर्वास नगरपालिका ११ का ३० वर्षीय चन्नु राना र सोही ठाउँका २६ वर्षीय अनिल रानालाई सोमबार पक्राउ गरेको हो ।
जिल्ला प्रहरी कार्यालय कञ्चनपुरका प्रहरी नायब निरीक्षक अमरबहादुर थापाका अनुसार स्थानीय युवतीलाई जबर्जस्ती करणीपछि दुवै जना विसं २०७१ फागुन देखि फरार थिए ।
कञ्चनपुर जिल्ला अदालतले दुवै जनालाई विसं २०७२ असार २८ गते जनही ११/११ वर्षको कैद सजाय तोकेको थियो । घरमै रहेका बेला दुवै जना पक्राउ परेका हुन् । पक्राउ परेका दुवै जनालाई आवश्यक कारवाहीका लागि प्रहरीले अदालतमा पेश गरेको छ ।
प्रकाशित: Sep 15, 2020| 10:43 मंगलबार, भदौ ३०, २०७७
