काठमाडौं- नारायणगढ–मुग्लिन सडकखण्ड अवरुद्ध भएको छ । इच्छाकामना गाउँपालिका ६ स्थित चोरखोलामा राति साढे १० बजे पुनः पहिरो खसेपछि सडक अवरुद्ध भएको हो ।
सोमबार दिउँसो सोही ठाउँमा गएको पहिरो पन्छाएर साँझ एकतर्फी सडक सञ्चालनमा ल्याइएको थियो । पुनः पहिरो खसेपछि दुइतर्फी रूपमै सडक अवरुद्ध बनेको हो ।
पानी परिरहेकाले पहिरो पन्छाउने काम शुरु गर्न नसकिएको जिल्ला प्रहरी कार्यालय, चितवनका प्रवक्ता प्रहरी नायब उपरीक्षक सूर्यबहादुर थापाले जानकारी दिए ।
यस्तै सडकखण्डअन्तर्गत भरतपुर महानरगपालिका १ भतेरीमा पनि सालको रुख ढलेर सडक अवरुद्ध भएको जिल्ला प्रहरी कार्यालय चितवनले जानकारी दिएको छ ।
प्रकाशित: Sep 15, 2020| 07:00 मंगलबार, भदौ ३०, २०७७
