काठमाडौं– एसिडपीडितको हकहितको लागि आवाज उठाइरहेका उज्जवलविक्रम थापालाई भारतीय अभिनेता अमिताभ बच्चनले स्याबासी दिएका छन्।
सोमबार ट्वीट गर्दै अमिताभले सेरवुड कलेजलाई समेत गर्व लाग्ने काम गरेको बताएका हुन्।
थापा भारतको सेरवुड कलेजका पूर्वविद्यार्थी हुन्। अमिताभले आफ्नो कलेज र नेपालीलाई गर्व लाग्ने काम गरेकोमा थापालाई बधाई पनि दिएका छन्।
थापा लामो समयदेखि एसिड आक्रमणमा परेकाहरूको हकहितका लागि लडिरहेका छन्।
एसिड पीडित र अभियन्तासँगको छलफलपछि प्रधानमन्त्री केपी शर्मा ओलीले केही दिनअघि अध्यादेशमार्फत कडा कानुन ल्याउने प्रतिबद्धता जनाएका छन्। सरकारले कानुन ल्याउने तयारी गरेको छ।
