पोखरा– पोखरामा अहिलेसम्मकै धेरै संक्रमित आज सोमबार फेला परेका छन् ।
आज दिउँसोसम्ममा ५० जनालाई कोरोना पुष्टि भइसकेको छ । कास्कीको रुपा गाउँपालिकामा ४ जनासमेत गरी कास्की जिल्लामा ५४ पुगेको छ ।
पोखरा र कास्की जिल्लाकै यो तथ्यांक अहिलेसम्मकै उच्च हो । पछिल्लो चौथो विज्ञप्ति अनुसार कास्कीमा थप ३४ जनालाई कोरोना भाइरस संक्रमण पुष्टि भएको छ ।
त्यसैगरी तनहुँका ६ जनालाई कोरोना संक्रमण पुष्टि भएको छ । यस्तै, लमजुङको मध्यनेपाल नगरपालिकाका ३ जनालाई संक्रमण पुष्टि भएको छ ।
स्याङ्जाको पुतलीबजार नगरपालिकाका १ जनालाई संक्रमण पुष्टि भएको छ । सबै संक्रमित व्यक्तिहरु कन्ट्याक्ट ट्रेसिङबाट पहिचान भएको हो ।
योसँगै गण्डकी प्रदेशमा कोरोना भाइरस संक्रमितको कुल संख्या ३ हजार ६४ पुगेको छ ।
प्रकाशित: Sep 14, 2020| 16:39 सोमबार, भदौ २९, २०७७
