काठमाडौं– अध्यागमन विभागले यही आइतबारदेखि भिसा सेवा नियमित गरेको छ।
कोरोनाका कारण स्थगित गरिएको सेवा आइतबारदेखि सुरु गरिएको विभागले जनाएको छ।
मन्त्रिपरिषद्को साउन २६ गतेको निर्णयले भिसा सेवा स्थगित गर्ने निर्णय गरेको थियो। त्यसअघि लकडाउन अवधिभर पनि भिसा सेवा बन्द थियो।
विभागले जारी गरेको सूचनामा भनिएको छ, ‘निषेध आदेश र लकडाउनको अवधिमा भिसा समाप्त भएकाहरुको भिसा असोज ११ गतेसम्म नियमित शुल्क मात्र लिएर नवीकरण गरिनेछ ।’
यो व्यवस्थासँगै भिसा अवधि सकिएर बसेका पर्यटकहरुलाई सहज हुने भएको छ।
प्रकाशित: Sep 14, 2020| 16:10 सोमबार, भदौ २९, २०७७
