गण्डकी प्रदेशमा थप २० जनालाई कोरोना संक्रमण

पोखरा– गण्डकी प्रदेशमा थप २० जनालाई कोरोना भाइरस संक्रमण पुष्टि भएको छ । संक्रमित हुनेहरू तनहुँ र गोरखा जिल्लाका छन् ।

क्षयरोग उपचार केन्द्र पोखरामा गरिएको पीसीआर परीक्षणका क्रममा तनहुँका ११ जनालाई कोरोना संक्रमण पुष्टि भएको हो ।

जिल्लाको ऋषिङ गाउँपालिका अन्तरगत वडा नम्बर २ का चार जना पुरुष, ३ का एक पुरुष, ४ का एक पुरुष, ५ का तीन पुरुष, वडा नम्बर ६ का एक जना पुरुष तथा ८ का एक जना पुरुषलाई कोरोना पुष्टि भएको हो ।

यस्तै गोरखाका थप नौ जनालाई पनि कोरोना संक्रमण पुष्टि भएको छ । जिल्लाको गोरखा नगरपालिका वडा नम्बर १३ का एक महिला तथा एक पुरुषलाई संक्रमण पुष्टि भएको हो ।

त्यस्तै पालुङटार वडा नम्बर १ का पाँच जना पुरुषसहित एक जना महिला र वडा नम्बर ६ की एक महिला र एक पुरुषमा कोरोना संक्रमण पुष्टि भएको छ ।

योसँगै गण्डकी प्रदेशमा कोरोना भाइरस संक्रमितको कुल संख्या तीन हजार ११ पुगेको छ ।