गलकोट–अविरल वर्षाका कारण आएको पहिरोले बागलुङको जैमिनी नगरपालिका १ कुश्मिशेरास्थित टुनीबोटमा सोमबार बिहान पाँच घर पुरिएका छन । सो पहिरोमा एक जना बेपत्ता भएका छन् ।
पहिरोले घर पुरिँदा ६१ वर्षीय हरिकृष्ण पौडेल बेपत्ता भएका छन । परिवारका अन्य पाँच जना सकुशल रहेको जिल्ला प्रहरी कार्यालय बागलुङका प्रहरी निरीक्षक हेम केसीले जानकारी दिए ।
पहिरोले पवित्रादेवी शर्मा, इन्द्र शर्मा, रत्नबहादुर क्षत्री र तारादेवी क्षत्रीको घरमा पूर्णरूपमा क्षति पु¥याएको प्रहरीले बताएको छ । घटनास्थलमा नेपाली सेना र प्रहरी परिचालन गरी उद्धारको काम भइरहेको बताइएको छ ।
-रासस
प्रकाशित: Sep 14, 2020| 09:09 सोमबार, भदौ २९, २०७७
