काठमाडौं- मोरङका एक कोरोना संक्रमित ४० वर्षीय पुरुषको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको छ।
२६ भदौंमा प्रतिष्ठानमै गरिएको नमुना परीक्षणमा ती पुरुषमा कोरोना संक्रमण पुष्टि भएको थियो।
आइतबार राति पौने ९ बजे ती संक्रमितको मृत्यु भएको र उनमा कुनै दिर्घरोग भने नभएको प्रतिष्ठानले निकालेको विज्ञप्तिमा उल्लेख छ।
शवको व्यवस्थापन नियमानुसार गर्ने तयारी भइरहेको छ।
प्रकाशित: Sep 14, 2020| 06:57 सोमबार, भदौ २९, २०७७
