विराटनगर- विराटनगरका एक कोरोना संक्रमितको धरानमा मृत्यु भएको छ।
बीपी कोइराला स्वास्थ्य विज्ञान प्रतिष्ठान धरानमा उपचाररत विराटनगर १२ का ७० वर्षीय पुरुषको आज (आइतबार) दिउँसो सवा २ बजे मृत्यु भएको प्रतिष्ठानका प्रवक्ता डा. निदेश सापकोटाले जानकारी दिए।
ज्वरो, खोकी र श्वासप्रश्वासमा समस्या देखिएका उनलाई भदौ १६ गते कोरोना संक्रमण पुष्टि भएपछि विराटनगरको म्याक्स अस्पतालले बीपीमा रेफर गरेको थियो।
विराटनगर महानगरपालिकामा मात्रै कोरोना संक्रमणका कारण मृत्यु हुनेको संख्या १८ पुगेको छ।
प्रकाशित: Sep 13, 2020| 20:00 आइतबार, भदौ २८, २०७७
