काठमाडौं– सत्तारुढ दल नेपाल कम्युनिष्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहालबीच भेटवार्ता भएको छ।
२६ भदौमा पार्टीको स्थायी कमिटी बैठकपछि आज दुई अध्यक्षबीच भेटवार्ता भएको हो। बेलुका ५ बजेदेखि अध्यक्षबीच छलफल चलिरहेको बताइएको छ।
स्थायी कमिटी बैठकले तयार गरेको कार्ययोजनालाई सर्कुलर बनाएर जिल्लास्तरसम्म पठाउने लगायत कार्यान्वयनको प्रक्रिया अघि बढाउने विषयमा छलफल भइरहेको बुझिएको छ।
स्थायी कमिटी बैठकले प्रतिनिधिसभाको बाँकी अवधिसम्म पूरै कार्यकाल ओलीले सरकार चलाउने र दाहाल कार्यकारी अधिकारसहित अध्यक्ष रहने निर्णय गरेको थियो।
प्रकाशित: Sep 13, 2020| 18:44 आइतबार, भदौ २८, २०७७
