काठमाडौं– प्रहरी कर्मचारीहरुले पालना गर्नुपर्ने आचार संहिता सम्बन्धी कार्यादेश–२०७७ र नेपाल प्रहरी कार्ययोजना–२०७७ सार्वजनिक गरिएको छ।
प्रहरी महानिरीक्षक शैलेश थापा क्षेत्रीले प्रहरी प्रधान कार्यालयमा आइतबार आयोजित कार्यक्रममा आचार संहिता सम्बन्धी कार्यादेश–२०७७ सार्वजनिक तथा नेपाल प्रहरी कार्ययोजना–२०७७ शुरुवात गरेका हुन्।
कार्यक्रममा प्रहरी महानिरीक्षक थापा क्षेत्रीले कार्यादेश र निर्देशिकाले संगठनलाई सही मार्गमा लैजान सकारात्मक प्रभाव पार्ने बताए।
कार्यादेशको फलोअप गर्दै जानुपर्नेमा जोड दिँदै उनले यसले प्रहरीको छविलाई थप राम्रो बनाउन मद्दत पुर्याउने बताए।
प्रहरी संगठनमा व्यवसायिकता नै मुख्य भएकोले सडकमा समेत व्यवसायिकता देखिने गरी काम गर्न उपस्थित प्रहरी अधिकृतहरुलाई आइजीपीले निर्देशन दिएका थिए।
प्रकाशित: Sep 13, 2020| 18:24 आइतबार, भदौ २८, २०७७
