काठमाडौं- स्वास्थ्य तथा जनसंख्या मन्त्रालयले कोरोना संक्रमण पत्ता लगाउन गरिने प्रयोगशाला परीक्षणको शुल्क घटाएको छ।
हाल ४ हजार ४०० रुपैयाँमा पीसीआर परीक्षण हुँदै आएकोमा अबदेखि अन्य सेवा शुल्कसहित बढीमा २ हजार रुपैँया तोकिएको मन्त्रालका प्रवक्ता डा. जागेश्वर गौतमले जानकारी दिए।
डा. गौतमले सेवा शुल्क सबै जोडेर यो भन्दा बढी लिन नपाईने जानकारी दिए। पीसीआर परीक्षणका लागि रीएजेन्ट र अन्य सामग्रीको मूल्य घटेकाले परीक्षण शुल्क घटाइएको उनले बताए।
सुरुमा मन्त्रालयले पीसीआर परीक्षणका लागि ५ हजार ५०० रुपैयाँ शुल्क तोकेको थियो।
प्रकाशित: Sep 13, 2020| 16:45 आइतबार, भदौ २८, २०७७
_(1).jpg)
