काठमाडौं- नेपालमा कोरोना भाइरसबाट ३८ हजार ६९७ जना मुक्त भएका छन्। यो कुल संक्रमितको ७१.५ प्रतिशत हो। आजसम्म नेपालमा कोरोना संक्रमितको संख्या ५४ हजार १५९ जना पुगेको छ।
सक्रिय संक्रमितको संख्या १५ हजार ११७ छ। पछिल्लो २४ घण्टामा ११७३ निको भएका छन्। आज १०३९ जना संक्रमित थपिएको स्वास्थ्य तथा जनसंख्या मन्त्रालयले जनाएको छ।
आजसम्म प्रदेश १ मा तीन हजार ४४१, प्रदेश २ मा १० हजार ८३१, बागमतीमा सात हजार ३८४ जना मुक्त भएका छन्। गण्डकीमा दुई हजार २१८, प्रदेश पाँचमा दुई हजार ४८६, कर्णालीमा दुई हजार ४८६ र सुदूरपश्चिममा पाँच हजार ८७१ जना कोरोनामुक्त भएका छन्।
प्रकाशित: Sep 13, 2020| 16:32 आइतबार, भदौ २८, २०७७
